Misiangtho Sabina Pawini. (August – 29)

Misiangtho Sabina in kumzalom 2 hunin Italy gam, Roma mihau innkuan khat pan meigong khat ahi hi. Tua hun pen Christian te a ki bawlsiat mahmah hun zong ahi hi.

Sabina in ama innteng nasemnu hangin Christian a suak khat hi a, a taktak in a ma inn a, innteng nu Serapia in a haksat man, a zawn manin innteng nasep a sem hi lo-in, a nu leh pa a sih khit ciangin mi te in amah a teenpih nop hangin a mah kua mah tawh ki teeng nuam lo ahih manin a neih a lamh khempeuh zuakin mizawngte a piak khit ciangin ama lunggulh na bangin Roma meigong Sabina kiangah a tung ahi hi.

Sabina in ama nasemnu Serapia tawh Christian te simmawh bawlsiatna pan a suahtak na dingun a hanciamte ahi uh hi. Nikhat, Sabina leh Serapia a omkhop lai takun Serapia ki manin Sabina suakta hi.

Tua khit ciangin Serapia samin gam ii dawi biakna zuih nadingin a sawl uh hangin Serapia in mang nuam lo-in Chirstian upna bek ka um hi ci-in nial ahih manin meiphual sungah khia uh hi. Ahi zongin Serapia si lo ahih manin a ngawngtanin that uh hi.

Sabina in a sila nu Serapia ii luang la-in han ah a vui na thu a ki theih ciangin amah zong matna thuak hi. Sila nu Serapia a sih zawh kha khat khit ciangin Sabina zong Christian suak ahih manin AD 126 kumin Sabina zong ngawngtan in thahna thuak hi.

Misiangtho Sabina aw…kote adingin thu hong ngetsak in.