Misiangtho Rose of Viterbo Pawini. (September-4)

Misiangtho Rosa in Vierbo khua-ah a om, mizawng Italy innkuan sungpan 1235 hun in akhangkhia khat ahi hi. Aneu tung pan kipan Pasian thu sungah anungta Rose in kum (8) aphak hunin alamdang mahmah thukhat, a cinat laitakin tuak kha hi. Aman a pianna khua sung, lampi dungah ama ii Pasian tawh a kinaina thute tangko in te-ci pang hi. Ama thugente in tua hunlai-in gam vai tawh kisai in haksatna atuak, a lianbel Siampipa adingin phattuamna tampi pia hi. Thu thei nuam phadeuh mi pawlkhatte in Rose om na inn ah pai-in en sim uh ahih manin a pa in deih lo hi. Tua ahih manin mipi mai ah thu gen ding apa in khaktan hi.

 Ahi zongin Parish Priest ii hanthotna hangin Rose a Pa in thu gen ding phalna pia kik aa, kha (2) sung, lamdungah Pasian thu gen hi. Tua bangin Rose in Pasian thu a genna pen Pope alangpang mite in Rose in Pasian thu a tangko hi lo hi, Gam sung vai a sai nuam hi ci-in in tangko uh hi. Tua thu hangin buaina hong khang semsem ahih manin Viterbo khua uk pa in Rose dan apiakna in amau innkuan pen a khua sung uh pan paikhia sakin Soriano khua ah ki tuah sak hi.

Emperor kumpi Frederick II asih ciangin Rose ii lamdung aa agen thu te hangin Pope tawh kinialnate zong bei siang aa, Rose te innkuan zong suakta takin a inn uh ah ciah kik uh hi. Rose in Viterbo khua, St. Mary of the Roses biakinn a om, the Poor Clare Convent ah lut zawh nading hanciam hi. Ahi zongin tua lai a nungak siangthote in na nial den uh hi.

Kum (18) gual apha Rose a sih ciangin Podio khua a om, Santa Maria biakinn ah ki vui hi. Kum (5) a sawt khit, 1252 kum, September 4 ni-in ama luang to kik in St. Mary of the Roses nungak siangtho sangah vui kik uh hi.

Misiangtho Rosa aw...ko te adingin thu hong ngetsak in.