Misiangtho Romuald Pawini. (June – 19)

Misiangtho Romuald in 950 kum in Italy gam, Ravenna khua ah mihau innkuan sungpan suak hi. Amah pen leitung nopsakna te leh silehsa deihna te ii sila khat in khangkhia hi.
Nikhat Romuald ii pa leh a tanau te khat leitang vai-in ki tel khial in, a pa in tua a tanau pa that kha hi. Tua thu amu Romuald in apa gamtatna hangin a dip kua-lua ahih manin apa adingin ni (40) sung mawhna daan loh dingin St. Apollinare Siampi sang ah pai hi.
Tua bangin Romuald aom ciangin a pa in thupi sa mahmah ahih manin amah zong a tapa om dan etteh in ama nuntak hun om lai teng pen San Selvero zateih sang ah lutin Pasian thu hanciam hi. Kum thum a sawt ciangin mite’ gensiatna te hangin Romuald in zateih sang pah paikhia hi.
Tua pan amah bek tang om in zateih sang neu te phuanin kum (30) sung mun tuam tuam te ah kualzin in pai kawi kawi hi. 1012 kum in a phuat ahi, Camaldoli zateih sangin aminthang pen pen sang ahi hi.
Romuald in leitung nopsakna te zui-in a om, mihau tangval no khat ii gamtat zia mawhsakna gen hi. Ni khat ciangin tua tangvalpa in zak ding a ki lawm hetlo mawhna khat tawh Romuald mindai sak hi. Tua thu Romuald ii lawm zateih te in um uh ahih manin amau zateih sang pan Romuald hawlkhia uh hi.
Romuald in ahih leh tua thu te khempeuh kha (6) sung tawntung daitak leh lungduai takin thuak hi. Ahi zongin a nung lam ciangin thuman hong ki tel kik ahih manin Romuald sam kik uh hi. Ama khan neu sungah om in thu a ngen den Romuald in 1027 kum in tua khan neu sung mah ah si hi.
Misiangtho Romuald aw…kote adingin thu hong ngetsak in.