Misiangtho Peter Julian Eymard Pawini. (August – 2)

Misiangtho Peter Julian in 1811 kumin, Piantit gam, La Mure ah suak hi. Apa in zi nih nei a, Peter Julian pen a zi nihna tawh aneih tapa ahi hi. Peter Julian in sanggam neilo in amah bek ahih manin Siampi a suah nop hang a pa in phal lo hi. Kum (18) aphak hun in a nu si a, a nu’ sih khit ciangin Peter Julian in Oblates of Mary Immaculate cih ki pawlah ah lut hi.

Ahi zongin amah a ci nagawpin tuap natna leh lutang natna te nasia takin thuak ahih manin sang pan ki kawl sak hi. Tua bangin a inn ah a tawlngak sungin a pa si hi. A pa sih khit, ama natna te pan a dam kik ciangin Marists (The Society of Mary) cih ki pawlna khat ah lut leu leu in tua ah Siampi suak hi.

Tua ki pawlna ah a lut ma in Peter Julian in Diocese te ah lai hilh in om hi. Tua ki pawlna ah om in Peter Julian in ki pawlna dang khat a phuat sawm ciangin amau ki pawl na sunga makai te in thukimpih lo uh hi. Tua ciangin amah tua ki pawlna pan khawl in adang ki pawlna khat phuan hi. Ama phuat ki pawlna ah Misiangtho John Mary Vianney zong ki hel hi.

Tua ki pawlna in mizawng te, thuzui mite tawh a ki bangin nasem in amaute in Siangtho Pumpi a san theih nading un a hanciampih ki pawlna ahi hi. 1868 kum, ama kum (57) hun in France gam, La Mure ah, Piantit Siampi khat ahi, Peter Julian si hi.

Misiangtho Peter Julian Eymard aw…kote adingin thu hong ngetsak in.