Misiangtho Peter claver Pawini. (September - 9)

Misiangtho Peter Claver in, 1581 kumin, Spain gam, Verdu khua ah suak hi. Peter Claver in mun thak te ah pai-in Pasian thu tangko ding cih ngimna tawh Kum 20 aphak ciangin, Jesuit Congregation ah lut hi. Kum tawm khat khit ciangin Colombia gam Cartagena khua ah sawlna ngah in, tua khua ah siampi suak hi.

Siampi a suah khit ciangin ama Pasian nasepna pen Africa pan sila (sal) dingin a ki zuak mizawng Negro te kha hotkhiat na dingin na sepna ahi hi. A mah leh amah Negro te’ sal (nasem) in a kipia khia Peter Claver in amau te kiangah Pasian thu a gen ma-in zatui te leh an leh tui te pia ma sa hi. A mah ahuh Siampipa kiangah zong “ei te in mizawngte ih kam tawh ih gen ma-in ih khut tawh ih ho ma sa ding hi” ci-in gen hi.

Peter Claver in a ma nuntakna sungah sila 300,000 sangin a tamzaw tuisawpna Sacramentu pia hi. Nikhat in nai 15 sung mawhsutna ngai a, Biakinn bek thamlo, zii (market) cih te ah zong Pasian thu tangko hi. A mah in Cartagena thong sung aom thongkiate kha hotkhiat na dingin zong na tampi sem a, tua mun ah ama tavuan neih sung in ama kiangah kha lam tawh kisai huhna angen te in hehpihna ngah lo-in thahna thuak cih om ngei lo hi.

Peter Claver in ma nuntak hun nunung sung pen zawngkhalna tak tawh beisakin, 1654 kum in kuama khoi na kepna thuak lo-in si hi. Peter Claver in a sih ma in “kei in la khat ii nuntakna ka etteh nuam hi. A mah in la khat hi lel ahih manin bangbang dinmun ah om mah ta leh phun/thum cih om lo hi. Tua mah bangin Pasian nasem te in zong hi bang ahih ding uh ki sam hi” ci-in gen hi. Misiangtho Peter Claver in Africa gam a om Negro te a cing a kem misiangtho hi.

Misiangtho Peter Claver aw…kote adingin thu hong ngetsak in.