Misiangtho Paulinus of Nola Pawini. (June-22)

Nola khua Siadaw ahi Paulinus in AD-355 kum in Piantit gam, Bordeaux khua ah suak hi. Paulinus in lai lam ah aminthang mahmah ahi Ausonius kiangah pilna sin in kua mah tawh ki bang lo-in siam mahmah hi. Mi khempeuh in ama siangtho na, lai at siamna, alungsim hoihna leh a om siam nate pakta mahmah uh hi ci-in St. Jerome in gen hi.
Piantit gam’ ulian ahi apa’ mun angah ciangin Italy gam, Piantit gam leh Spain gam te ah tavuan len hi. AD-390 kum in pensen lai in Aquitaine ah kituah hi. Tua khua ah Bishop Delphido in tuisawpna pia hi. A mah Therasia tawh ki teeng in ta khat nei a, a tapa asih ciangin a nupa un, asiangtho nuntakna tawh kalsuan dingin kiciam a, aneih alam khempeuh uh mizawng te pia hi.
Tua khit ciangin alawm te pawlkhat tawh Naples khua gei aom, Nola khua ah phungyi (zateih) te zuihding thukhun te zui-in om hi. A cimawh mite huhin kum sial in tua khua acing akem Misiangtho Felix pawi pahtawi na in lai gelh den hi. A ma siangtho’na minthang mahmah in Nola khua Bishop dingin teelna ngah hi. A man lungduai tak leh ngaihsutna lianpi tawh Nola khua Siadaw in AD-431, a sih dong in uk hi.
Misiangtho Paulinus aw...ko te adingin thu hong ngetsak tan.