Misiangtho Pauline Pawini. (July - 9)

Misiangtho Pauline in Italy gamah suak hi. A nulepa te in amah pen Amabile Wisenteiner ci-in miphuak in sam uh hi. Kum (10) aphak hunin a nulepa te in Brazil ah Amabile paipih uh hi. Tua lai ah Jesuit te in amau na muakin Amabile ii kha lam khantoh nading in zong panpih uh hi. Amabile in kum 15 aphak hunin Cancer natna tawh a sidektak numei khat ahuh dingin Brazil aom Vigolo aa taih inn neu khatah ki tuah in om hi.

Jesuit te in amau kiim leh paam ah tua bangin mi ahuh ding a kisap pha mahmah na thu Amabile gen uh hi. Tua kisapna a huh na dingin Amabile (Pauline) in 1895 kumin a lawm nihte ahi, Virginia, Teresa te tawh kipawl in “The little Sisters of the Immaculate Conception” cih nungak siangtho kipawlna phuan uh hi. Tua hun pankipan Amabile in ama min pen “Gimna athuak Topa Jesu lungtang ii Pauline (Pauline of the suffering Heart of Jesus) ci-in phuak hi.

Pawlpi sungah nasepna leh makaihna pawlkhatte ah kithutuak lohna cih te a om hangin “Pasian in kei tawh hong omkhopna mangthang nawnlo ding hi cih zah dongin ken amah ka maingap hi. Tua bangin omna in ka kha sungah a kigenkhia zo lo nuamna hong ngah sak hi” ci-in Pauline in gen hi.

1938 kumin sikhum natna hangin Pauline ii khutme khat tankhia in, a sawtlo in a taklam khut zong tan hong kul hi. Tua natna hangin Pauline ii nuntak hun nunung lam ah a mit zong taw hi. 1942 kum, July 9 ni-in Pauline si aa, Brazil gam pan amasa pen Misiangtho ahi hi.

Misiangtho Pauline aw…Kote adingin thu hong ngetsak tan.