Misiangtho Patrick

St. Patrick AD 385 kumin Britain ah a suak hi. Kum 16 a phak ciangin tuipi tunga gutabuluhte in man uh a, Ireland gam migilote' makaipipa tungah a zuak uh hi. St. Patrick in mual tungah tuucing kawmin thu a ngen tawntung hi. Tua lai-ah a om zawh kum 6 a phak ciangin a gamah a ciahkik dingin vantung pan sawlna awging khat a za hi. Ahi zongin amah a gamah ciah loin Rome khuapi ah pai masa a siampi a suak hi. Tua khit ciangin a tungsiahte in England gamah paisak dingin Pope kiangah phalna a ngen uh hi. A sauvei khit ciangin amah bishop-za pia-in Ireland gamah pawlpi phut dingin a paisak uh hi.

Ireland gamah Pasian a bialo kumpipa khat in Patrick a man hi. Patrick in na lamdang a lah ciangin tua kumpipa in na Pasian' thu hong gen dih in, na Pasian in vangliatna lianpi nang hong piak lam ka mu hi, a ci hi. Patrick in Pasian khat bek a om hi. Tua Pasian' sungah Pa Pasian, Tapa Pasian le Kha Siangtho Pasian, ci-in To thum om hi, ci-in a hilh hi. Tua hun a kipan Patrick in

Ireland gam bupah Pasian' thu hilhna ding phalna a ngah hi. Anunung lam ciangin Patrick hanga thu-um mite in Europe gam tampite ah Christian upna a kizel sak uh hi.

461 kumin Patrick in mual sang pen tungpan  a nunung thupha pia a, tua mual tungah ni (40) sung, antang in pumpi kidekna nei hi. Tua hun sungin Ireland pan misiangtho (saints) tampi piang ding hi ci-in mang muhna khat ngah hi. A mangmuhna sung mah ah tua misiangtho te in ama kiangah ''nangin ko te khempeuh ii Pa na hi hi'' ci-in lasa uh hi. A sih khit ciangin aluang pen ama Biak inn lam masak pen na khua ah ki vui hi.