Misiangtho Panteleon

Misiangtho Panteleon in 275 kumin Nicomedia ah suak hi. Panteleon cih minin “mikhempeuh hehpihna tawh ahuh” cih khiatna nei hi. Amah in kumzalom 4 hunin Christian thuzui, zatui sia khat hi aa, Rome kumpite’ cidam nading akisamte ahuh khat hi. Panteleon in hong tangval ciangin anu thu hilh ahi, biakna tawh kisai thuhilhnate paltatin athumanglo khangnote nuntakzia bangin gamtatsia in om hi. Ahi zongin ama lungtangtawng panin Christian upna leh gamtatna lamah kiheisak kik hi. Pasian aumlo a Pa zong thu um mikhatin kikhel sak zo hi. Panteleon in mi cimawhte huhin zatui, zaha manding sum zong lalo in bawl zel hi. Pawlkhatte in ama thu ngetsakna tawh damna ngah uh hi.

Diocletian in pawlpi bawlsiat akipat ciangin Panteleon in Christian khat ahihna thu ameltheih pawlkhatin kumpi kiangah ko uh hi. Tua ciangin Roma galkapte in amah manin bawlsia uh hi. Thukhenna zum pan khutlehkhe zaw mikhat, a dam sak zo omleh omlo kidemna khat a bawlna uh ah Panteleon in gualzawhna ngah hi cih tangthu khatah kigen hi. Tua bangin alamdang takin damsakna abawl zawh hangin kumpi in Panteleon sih dan pia veve hi. 305 kumin singkung tungah siktukilh tawh akilh khit uh teh, khai sukin angawng tanin that uh hi.

Ravello aom, Biakinn khatah ama sisan keute kikem hi. Ama sisan keute in amah phawkna nithupi ni-in sisan tui bangin kikhel hi ci hi. Misiangtho Panteleon pen naupang kapkapte leh accidents te ahuh Misiangtho in kiciamteh hi.