Misiangtho Maximilian Kolbe

Misiangtho Maximilian Kolbe pen 1894 kum, January-8 ni-in Poland gamah suak hi. A neu lai in ama kiangah Tonu kilang in akhutsung a om paak nih te pan khat teel sak hi. Khat in a kang hi a, siangthona lim lak hi, khat pen a san hi-in hangsanna (thatna thukna) lim ahi hi. Maximilian in a nih in teel ing ci-in dawng hi.
Maximilian in Franciscan congregation ah lut in Rome ah pil na sin dingin pai hi. Siampi a suahma kum khat akisap hun ahi 1917 kum in Militia of Mary Immaculate ki pawlna khat phuan hi. 1930 kum in Japan ah kum tawm vei sung om in “the Garden of the Immaculate Conception” ki pawlna phuan hi. Galpi nih hong tun ciangin Maximilian in Jew minam dongtuak te huh dingin hanciam hi.
1941 kum in German galkap khat in amah mu in Auschwitz cihna thong ah koih hi. July-31 ni-in thong kia a tai sim khat tang dingin mi 10 manin khan neu khat sungah khumcip in an golh na tawh si sak uh hi. Fr. Maximilian in tua mi 10 te lak pan Francisca leh Joseph unau nih te’ pa tangin amah ki-ap hi. Kal nih asawt khit ciangin 1941 kum, August-14 ni-in Cabor Acid sut in that uh hi. A mahin Tonu Maria min a kam pan lo in dai tak in si hi. Misiangtho Maximilian pen innkuante leh thongkiate ahuh Misiangtho hi.
Misiangtho Maximian aw… Ko te adingin thu hong ngetsak tan.