Misiangtho Matilda Pawini. (March 14)

Misiangtho Matilda in Germany gam’ kumpinu hi in, Kumpi Henry I ii zi ahi hi. Matilda pen 895 kumin Count Didtrich leh Reinhild Denmark te sung pan piangkhia aa, Eufurt zateih nungak siangtho sang aom a pi' khut sung pan khangkhia hi. Matilda in 919 kumin Germany kumpi za angah ahi, Henry tawh ki teeng in tapa nih nei uh hi. 936 kumin Matilda ii pasal Henry si aa, amah meingong suak hi.
Matilda in itna leh hehpihna nei mahmah aa, mizawngte tungah huhna pia zelzel ahih manin mitampi in amah thei uh hi. Ahi zongin ama ii thupha bawlna te hangin mite in a ta te nasiatakin gensia uh hi. Tua ahih manin Matilda in ama gamh luah khempeuh a tate ap in ama gam ah ciah kik hi. Tua bangin a ciah kik hangin a tapa Otto ii zi ahi Edith in a ta te kiangah a pai kik nading a thum na hangin Matilda a tapa te kiang, kumpi inn ah pai kik aa, a tapate in zong a Nu kiangah mawh maisakna ngenin a innkuan un nuamtakin om uh hi.
Matilda in ama nuntak hun nunung sungah Pawlpi, Nungak siangtho sang leh zateih siampi sangte lam na te ah a nuntakna pia khia hi. A kum a tam semsem ciangin Matilda in amah mahin a lamsa ahi Nordhausen a om Christian Nungak siangtho sangah om in 968 kum, March 14 ni-in Quedlinburg a om zateih sangah si hi. Misiangtho Matilda pen tanu tapa ahau NulePa te a huh Misiangtho in ki ciamteh hi.
Misiangtho Matilda aw… kote adingin thu hong ngetsak tan.