Misiangtho Martin de Porres pawini. (November 3)

Thuman kizopna ii siapi ahi, Misiangtho Martin de Porres in 1579 kumin, Peru gam, Lima khua ah suak hi. Spain minam, mikang ahi, a Pa in mivom Martin te Nuta taisan a, Martin kum (15) aphak ciangin Lima khua, Dominican zateih sangah lut in tua sangah asih dongin om hi. Amah in sammet, puansawp, zatui lam tawh kisai vaipuak cih bangin amau congregation ii aniampen nasep te lawptak in sem hi.
Mizawngte huh dingin aman sawlna angah na tawh kizui-in amau te ading, zato leh nu leh pa neilo naupangte om na ding mun vaihawm sak hi. Martin ii it na sungah ganhing te zong kihel hi. Amah in Ui te leh Zawhngeu te ading buuk bawlsak in, sangsung aom Zusa te an pia zel hi. Ama upna liat na hangin Martin in cina te dam sak theihna leh thakhat in munnih ah om theihna thuphate ngah hi.
1639 kumin amah si a, ama anunung hunah Lima khua mite avekpi-in pai uh hi. Misiangtho Martin de Porres pen mizawng te a huh misiangtho in kiciamteh hi.
Misiangtho Martin de Porres aw…ko te adingin thu hong ngetsak tan.