Misiangtho Maria Goretti Pawini. (July-6)

Misiangtho Maria Goretti pen 1890 kum,October kha 16 ni-in Italy gam, Corinaldo khua ah lokho nasem innkuan sung pan suak hi. Kum 9 aphak hunin a pa in sih san a, anu lo akuan kal in aman inn ah naucing in om hi.

1902 kum in, kum 18 apha Alexander min nei khat in Maria Goretti amah bek aom lam atheih ciangin pai a, mawhna bawl ding Maria Goretti kiangah a gen ciang, Maria Goretti in hih kei-in tua bang gamtat na in mawh na hi. Pasian in deih lo hi ci-in nial hi. Alexander in Maria Goretti puansilh te ahawkkek gawp ciangin Maria Goretti in hi bangin ka thuak sang si zaw ning ci-in gen hi.

Tua ciangin Alexander aheh suak a, Maria Goretti nung zang tem tawh dawt gawp in taisan hi. A hi zongin Maria Goretti in tua mipa mawh na amai sak khit ciang in si hi. Tua laitak amah kum 12 pha pan hi. A mah athat pa Alexander ahih leh kum 30 sung thongkia a, tua lai ah Maria Goretti hong ki lang in amah asiangtho paak pia hi.

Alexander zong a mawhna kisikkik in, Maria Goretti nu’ kiangah pai in mawh maisak na ngen hi. Pope Pius XII in Maria Goretti anu’ mit muh in misiangtho suahna tangko a, tua in pawlpi tangthu sungah alamdang pen ahi hi. A ma thunget na hangin na lamdang tampi pianga, tua sungah Alexander ki sikkikna in alian pen ahi hi.

Misiangtho Maria Goretti aw…Kote adingin thu hong ngetsak tan.