Misiangtho Maria de Jesus Sacramentado Venegas de la Torre

Maria in Maxico gam ah 1908 kumin suak aa, pianpih unau (12) sung pan aneu pen hi. Amau innkuan pen Pawlpi sungah akipiakhai den leh Pawlpi vai a nasepna te ah lawptakin a kihel den innkuan hi. Maria in kum (15) aphak hun pankipan a vengte Christian upna thu te hilhna leh acimawh mite huhna te lawptakin sep thei ta hi.

1905 kumin San Sebatian Analco, Guadalajara ah Pasian thu lungngaihna nei hi. Tua mun pan Pasian in ama nasem dingin amah ateelna thu teltakin ki thei ahih manin “The Daughter of the Sacret Heart” cih nungak siangtho sangah lut hi. 1922 kumin amau sang leh Congregation ii kisapna tuamtuam te ah thalawp takin ahanciamna tawh khantohna tampi sam zo aa, makaipi khat in zong lawp takin kipiakhia hi. Ama nuntakna in kiniamkhiatna leh it-na tawh nuntakna nadingin a etteh huai khat ahi hi. Maria pen 1959 kumin si aa Nurse te ahuh Misiangtho in kiciamteh hi.