Misiangtho Louise de Marillac

Louise de Marillac in Piantit gam ah suakin, a suahzawh a sawt lo-in a Nu in sihsan hi. Tua ahih manin a Pa in amah khoi in vak aa, a inn ah pilna sinpih hi. Louise de Marillac kum (15) aphak ciangin a Pa in sihsan hi. Nuntak haksatna sungah a kalsuan zawh na dingin kumpinu ii nasem khat ahi Antony Le Gras tawh ki teeng hi. Amaute in innkuan nuam khat lam zo in tapa khat nei uh hi. Ahi zongin a lungnop huai lo thu khat piang leuleu hi. Tua in Louise ii pasal in up mawh lohpi in sihsan leuleu aa, amah meigong hong suak hi.
AD 1623 kumin Louise in ama kha lam Makai dingin Vincent De Paul a telna in thupha lianpi khat ahi hi. Vincent in hehpih nasep kipawlna te phuatkhiat nadingin vaipuak anei khat ahi hi. Louise in pasal neih kik loh ding khensat in a damlo te lakah nasep ki pan hi.
Asawt lo-in Louise leh Vincent te in nasepna ah a hoih thei pen ding lam khat mu uh aa, mizawngte a huh den zo dingin a kipiakhai ding numei ki pawlna khat phuankhia zo uh hi. Amaute in amau leh amau Daughters of Charity ci-in ki sam uh hi.
“Note’ nungak siangtho sangin zato hong suak ding hi. No te inn dei te in a kikawm inn dei, na thungetna uh pen Parish biak inn, no te huangin Pasian thu zuihna, na kongkhak uh in Pasian zahtakna, na lu uh aa na khuk uh dial (veil) in a siangtho gamtatna ahi hi.”
Charity nungak siangtho te ii ngimna in mizawngte huh ding ahi hi. Tua bangin mizawngte ading nasepna ah amaute’ inn ah pai-in huhna, a ki paai naupangte khoina, innkuan sungah buaina tawh kilem lo aom te haksatna te panpihna te sem uh hi. Amaute in mizawngte maitang tungah Topa Jesu zong ding cih ahi hi. Huhna a kisam mite in nungak siangtho te thunget hunin hong pai-in huhna anget leh zong a huh dingin kigingsa in om uh hi. Amaute thunget nusia in mizawngte kiangah pai-in huhna in Pasian kiang pan, Pasian kiangah paina ahi hi.
Louise de Marillac in mite a makaih siam Makai hoih khat hi-in, a zahtak huai khat zong ahi hi. Amah in 1660 kumin si hi. Misiangtho Louise pen meigong te leh nulehpa te paih naupang te ahuh Misiangtho in kiciamteh hi.
Misiangtho Louise de Marillac aw..Ko te a dingin thu hong ngetsak tan.