Misiangtho Louis 

Piantit gam kumpipa Louis in 1214 kum in Poissy khua ah suak hi. A nu in amah Christian hoih khat a hih na dingin leh Makai hoih khat ahih nadingin pantah den hi. Tua ban ah a nu in “kong it ka ta aw, nu khat in a ta a it zah in kong it hi. A hi zongin mawhnalian khat nabawl sangin ka khephung ah na sih mu nuam zaw ing” ci hi. Kum 19 aphak ciangin mintami Margaret tawh ki tengin ta 11 nei uh hi.

Kum 22 hun in Piantit gam kumpi za ngahin Kumpi hoih khat hihna lak hi. Ama sep khempeuhin Pasian vangliatna ding leh gam mi te phattuam na ding ahi hi. A mah in pawlpi it mahmah in mawhnadan lohna ah a siam mahmah mi khat ahi hi. A gal te tung nangawng ah it na nei hi. 1250 kum in pawlpi tawh kisai ki do na ah St. Louis Makai ahih manin thong kia hi. Thong sung ah Pasian phatna leh thu ngetna nei denin thong pan a suahtak ciangin Piantit gam aciah ma in a siangtho mun (Holy Land) ah hawh hi.

1270 kum in a dang pawlpi galdo na khat ki pan kik in, tua ah natna nasiatak thuak in Tunis ah si hi. A ma kha lam tawh ki sai, lai at na ah “kong it ka ta aw, mawhna lian khat bawl dingin nang leh nang na thu kim ma in bangbang ze-et bawlsiat na a hi zongin thuak nading nang leh nang thu kim ma sa le teh ki lawm zaw hi” ci-in gelh hi.