Misiangtho Lawrence

Misiangtho Lawrence in AD- 225 kumin suak hi. Amah in a etteh huai mahmah Christian khat ahi hi. AD 258 kumin Roma ah thahna athuak, acitak Christian khat hi. Roma a om Basilica Biakinnpi (5) sung pan, khat pen Misiangtho Lawrence min tawh aki lamna in ama ii minthanna leh mi tampi ii atheihna hang ahi hi. Tua Biak innpi pen ama han tung ah kilamin gam tuamtuam a om lim suaih siamte siamna tuamtuam, colour tuamtuam tawh aki bawl biak inn pi- in Misiangtho Lawrence ii nuntak tawntungna hong lak hi.
Lawrence in mi cimawhte huh nadingin Pawlpi’ vante zuak hi cih thu Roma khua Emperor kumpi in za hi. Emperor kumpi leh anasemte in Pawlpi pen neih leh lam ahau mahmah ding sa uh ahih manin Lawrence in tua pawlpi vante Roma kumpi kiangah a-ap nadingin thupia hi. Tua Pawlpi vante akaihkhop nadingin nithum hun pia uh hi.
Nithum acin ciangin Lawrence in Roma khua sunga om mizawng daipaamte kaikhawmin kumpipa mai ah pai pih aa, hi te in Pawlpi’ neih leh lamte hi ci hi. Kumpipa heh mahmah ahih manin Lawrence pen sa em na sik tungah em uh ahih manin sihna dan a thuak sa suak hi. Lawrence in tua bangin bawlsiatna a thuak hangin them zong thumlo taulo banah kumpipa leh a nasem te lam nga-in ciamnuih bawl lai hi. A pumpi langkhat amin ciangin alangkhat ong hei ta un ci-in gen hi. Anunung ciangin “sa min ta hi, ki ne thei ta hi” ci-in thei sak lai hi. Tua ciangin Roma khua mi te khempeuh Topa sungah akikhel nadingun thu a ngetsak khit ciangin AD 258 kumin si hi. Misiangtho Lawrence in mizawng, daipaamte ahuh Misiangtho hi.
Misiangtho Lawrence aw…Ko te adingin thu hong ngetsak tan.