Misiangtho Joseph Cafasso

Misiangtho Joseph Cafasso in 1811 kum, Jannuary 15 ni-in, Italy gam ah suak hi. A nulepa te pen lo kho mi ahi uh hi. Amah pen St. Don Bosco tawh ki lawmta in tangvalno te Pasian sapna lamah makaih in tha a pia den khat ahi hi. Tua ban ah minam lungsim leh gamtatna te apuahpha Phungyi khat ahi hi.

Aman sihna dan aki pia mi te tha pia den a hih manin sihna dan thuakna ii khuampi’ (Siampi)ci-in minthang hi. Joseph Cafasso pen 1860 kum, ama kum 49 aphak hunin Turin khua, Kingdom of Sardinia ah si a, 1947 kum, June 22 ni-in Pope Pius XII in misiangtho suahna tangko hi.

Amah pen thongkia te leh a kiman mi te acing akem misiangtho in ki ciam teh hi. Thongkia mi te asuah tak nading leh bawlsiatna athuak mi te in suahtak na angah nading un Misiangtho Joseph Cafasso beel in thu ngetsak ni.