Misiangtho Josaphat pawini. (Novembet 12)

Pawlpi pumkhat suah nading, hanciam kawmin thahna a thuak ahi, St. Josaphat in, 1580 kumin, Ukriane gam, Vladimir ah suak hi. Vilna ah sumbawl siam khat kiangah om in na asep laitak, amah tawh kipawlin nasep na ding leh a tanu atenpih nading, tua sumbawl siampa in agen hangin Josaphat in zateih lut ding khentat khin ahih manin tua thu te nial hi.
1604 kumin, Vilna aom To thum Pasian zateih sangah lut in asawt lo in Siampi Ordination ngah hi. Amah in thumanna leh pumpi kidek na te tawh nungta in, Orthodox leh Roma Pawlpi kigawm kik na ding hanciam hi. 1617 kumin, Polotsk khua, Siadaw dingin teelna angah khit ciangin Pasian thuhilhna bu khat gelh hi. Josaphat in Siampi te adiakdiak in khat vei valin, kiteenna anei Siampi te puahphat nading khensat hi.
Hi munah theih ding khat in, Orthodox canan law ah a kitengsa khat Siampi ordination apiak theih hangin, a zi asih khit ciang kiteenna ngah kik thei nawn lo hi. St. Josaphat ii Pasian nasepna ah a gualzawhna in Orthodox pawlpi te hehsak mahmah hi. Amau te in Josaphat pen “Kha guta” ci uh hi. St. Josaphat in “kei-in Roma pawlpi tawh kipawl khop nading leh St. Petru (Pope) ii za neihna nuai ah sih na thuak dingin kiging sa-in ka om hi” ci-in gen hi. 1623 kum, St. Josaphat biakinn ah thungen ding apai laitak in thau tawh ki kapin si hi.
Misiangtho Josaphat aw…ko te adingin thu hong ngetsak tan.