Misiangtho John of Kanty Pawini. (December - 23)

Cracow University ii professor ahi John in Poland gam, Kanty khua ah 1390 kumin suak hi. Siampi a suah khit ciangin John in Krakow University aa asangnaupangte pen leitung pilna bek hilo in kha thu lam zong a theih na dingun kum tampi hanciam takin hilh hi.
Amah mah in zong amah in upna man, lam man ahilh pa in ki mu hi. John in a naupangte kiangah a manlo upna, ngaihsutna te a hepkhiat na dingun zong gimlo tawllo takin gen den hi. Tua bangin thumanlo te na hepkhiat uh ciangin “vante, hiam te zangh kei un. Itna leh dik na te bek zangh un. Gitlohna in nang mahmah ii kha hong ki sum sakin a hoih pen ding te hong suksiatsak ding hi” ci-in zong gen hi. John in thukhunte man takin zuihna tawh a naupangte makaih a, kiniamkhiatna tawh delhphat omlo sual tungah lum denin cik mah hunin sa ne lo hi. Mite in ama cidam nading ngaihsun in a kidop nading a gen ciangin amah in antangna, mawhna daan lohna te a bawl den hangin kum sawtpi a nungta nidanglai pupa te om takpi hi ci-in dawngkik hi.
Nikhat, John an nekna khan ah a om laitak khutdawhngen khat in ama om na in gei ah a pai a muh ciangin John in ama kiang aom nek theih te la-in tua khutdawhngen pa kiangah pai pahin va pia hi. Ahi zongin ama an nekna khan a lut kik ciangin a lamdang takin ama ankuang sungah nek theih a dimin a ngei mah bangin a na om mu hi. John in ama university ah zong mizawngte ading in nekkhawm pawi bawl sak zel hi.
Hun khat ciangin a thalawp leh a ithuai ahi Parish Siampi dingin Olkusz ah tavuan ki pia hi. 1473 kum, Christmas pansik ni zan in John si hi. Pope Clement XIII in John pen “amah in ama gen bangin a gamta mi te a ki pahtawina mun ah pahtawina a sang dingin a kilawm khat hi” ci-in phat hi.
Misiangtho John of Kanty aw…Kote adingin thu hong ngetsak in.