Misiangtho John Damascene Pawini. (December 4)

Misiangtho John Damascene in 675 kumin, Syria gam, Damascus ah suak hi. John in ama Siampi Ordination ngahna ahi Jerusalem gei, Marsaba zateih sangah alut ma in Musalem sangah sumkem in om hi. Khuak hoih mahmah khat ahih mah bangin ama hun ngah sunin laibu leh Pasian phatna la tampi gelh hi.
Khatvei, sivuina khat ah ahoih mahmah leh a zak nop mahmah music khat a tumna hangin John pen ama sep theihna pan kikhawl sak hi. Tua thu hangin John ii sia pa in mite gensiatna thuak hi. Tua zawh asawtlo in John ii makaipi pa kiangah Tonu Maria ki-langh a, John pen ama deih bang in, Pasian phatna la te a gelh theih nading phalna apiak nangin gen hi. Hi bangin Tonu Maria in John haksatna pan honkhia hi.
John in lim biakna tawh kisai, kinialna aman khit ciangin Tonu lim leh misiangtho te lim te zahtak piakna anial ahi Empire Leo III na ii lai gelh pen langpangin do hi. John in 749 kumin si hi. Misiangtho Damascene pen zatui zuak te a huh misiangtho in ki ciamteh hi.
Misiangtho John Damascene aw…ko te adingin thu hong ngetsak in.