Misiangtho John of the Cross

Misiangtho John of the Cross in Spain gam, Fontiveros ah 1543 kumin suak hi. Kum (20) aphak ciangin John of the Cross cih min tawh Medina aom, Carmelites Congregation ah lut hi. “Gentheih haksatna khat peuhpeuh thuak lo in hi leitung hong khengsak kei-in” ci-in John in ama nuntak sung tawntung ah thungen hi. Siampi a suah khit ciangin Albert of Vercelli ii akhauh mahmah thukhunte leh khat kia omin Pasian thu zuih nang hunhoih ngah hi. 1568 kumin, St. Theresa of Avila tawh kipawl in amau Congregation sung aa om te in khat kia om na, kiniamkhiatna, ki deekna te tawh akalsuan kipawl na, zateih sang in puahthak uh hi.
Tua bangin apuahthak na uh pen pawlkhat in thukim lo in John of the Cross tungah hehlua uh ahih manin thong kia sak uh hi. John in thong sungah aom sungin, kha thawh kisai la pawlkhat leh “anungta it na meikuang” cih la te phuakin gelh hi. “Khuamial sung pan kha” cih la sungah gentheih haksatna tampi te sungah nalut naikei leh Pasian hoihna, hauhna leh pilna te na ngah zo kei ding hi” ci-in gelh hi.
Khat vei, John of the Cross in thukhunte azuilo Fr. Diego kiangah akikhel nading itna leh maingap na tak tawh gen hi. Ahi zongin Fr. Diego in John of the Cross genna te sangding cih gen loh, khuasungah paikawikawi in John of the Cross langpangin gensia gawp hi. Tua thu hangin John of the Cross Ubeda ah kituah in tua lai mahah 1591 kum, ama kum (46) hunin si hi. St. John of the Cross pen contemplative life tawh kipiakhia aa Pasian na asemte a huh Misiangtho in kiciamteh hi.
Misiangtho John of the Cross aw…Ko te a dingin thu hong ngetsak tan.