Misiangtho Januarius Pawini. (September 19)

AD-272 kumin Italy gam, Benevento ah suak hi. AD-305 kum, Diocletian’s uk sung, pawlpi a ki bawlsiat mahmah hunin Januarius in Benevento khua ah siadaw panmun a let lai takin Deacon nih leh thuzui nihin amau upna hangin ki man uh hi cih thu a zak ciangin amaute thapia dingin pai ding khentat hi. A paikhiat ma-in amah zong man uh a, gan gilo te nek dingin gan khawina ah koih uh hi.

A hi zongin gan te in amah bang mah na cih lo ahih manin angawng tan in that uh hi. A si san pen tui piang a, tua a lamdang thu hangin Januarius minthang semsem hi. Naples khua, biak inn khat ah a si khal ki kem in kum khat thum vei ta mipi te ki lak hi. Khat veivei siampipa in tua si khal koih na bung a bungbulet koih khak ciangin Missa sunga lenggahzu in sisan in ki laih hi.

Tua si san bek hi lo, a dang vang liat nate zong ki sit a, a si khal in tui a suak na thu zong a nial zo mipil khat zong om lo hi. Paunak a om mah bangin “a um te adingin nalamdang lah ding ki sam lo hi. A hi zongin a um lo te adingin a kicing na lamdang khat zong om lo hi”. St. Januarius pen Naples khuamite acing, akem misiangtho in ki ciamteh hi.

Misiangtho Januarius aw...Ko te adingin thu hong ngetsak in.