Misiangtho Isidore of Serville

Seville khua ii Siadaw ahi, Misiangtho Isidore in 560 kumin Spain gam, Cartagena ah suak hi. A upa ii makaih siam na hangin Isidore in tua hun lai-in a siam mahmah mipil khat ahi hi. AD 600 kum in Serville khua Siadaw dingin teelna ngahin Isidore in Topa Jesu in Pasian hi cih a om lo mite in upna man angah nading un panpih hi. Isidore in lai tampi a gelh lai at siam khat zong ahi hi. Isidore gelh laibu te sungpan khat ahi, “ဝါကျများ၏စာအုပ်သုံးအုပ် cih laibu in” in Christian upna bulpi leh gamtat hoihna adingin pawlpi in a zat masak pen laibu ahi hi. Isidore in “Thungetna in eite hong siangtho sakin, lai simna in eite lampi manah hong tonpih hi. A hih theih leh anih in hih zo leng hoih pen hi. Ahih zawh kei leh thungetna in laisimna sangin hoih zaw hi” ci-in gelh hi. Isidore in ama nuntakna abei dongin mawhna dan lohna leh pumpi kidekna te bawl den hi. A sihma kha (6) hunin ama sang huang sungin nai (24) sung, mizawngte tawh kidim zah dongin ama itna lak zo hi. 636 kumin Isidore in anunung Sacramentu a san khit ciangin ama tungah leibat anei mite maisak hi. Ama neihsa van te zong mizawngte hawmsakin lungnuam takin si hi. Misiangtho Isidore of Serville pen Internet, Computer users leh sangnaupangte ahuh Misiangtho in ki ciamteh hi. Misiangtho Isidore aw…Ko te adingin thu hong ngetsak tan.