Misiangtho Irenaeus Pawini. (June - 28)

Lyons khau Siadaw Irenaeus pen AD-130 kum in Asia maina ah suak hi. A mah pen Merana khua Siadaw Polycarp ii nungzui leh St. John ii nungzui hong suak hi. AD-177 kum in Piantit gam ah pawlpi ki bawlsia mahmah a, Lyons khua’ Siadaw zong ki that hi.

Tua lai tak Irenaeus Rome ah apai tawh ki tuak ahih manin sih na pan suakta hi. A mah a ciah kik ciang in Pawlpi te ki bawlsiatna veng ta a, Lyons khua mi te thukim na tawh Irenaeus Siadaw za ki pia hi. Amah in a tuu cing vaipuak hoihtak in sem bek tham lo, ki nai pih gam te ah zong pai in Pasian thu tangko ding hanciam hi. A ma min pen Greek kam in “ki lemna siapi” cih khiatna nei in, a min tawh ki tuak in ki sel na, ki lungkim loh nate ah hoihtak in phelh thei hi.

Ka mit tang tawh ka muh ciangbek in um ning aci mi te, Irenaeus in thu tangko na leh lai at na tawh na langpan hi. “Pasian um lo te langpangna, Nungzuipi te hilh thu te’ teci” cih laibu sungah aman ciamnuih hel in siang tak in Catholic pawlpi’ upna na kem cinghi. AD-202 kum, Pawlpi a ki bawlsiat hunin Irenaeus in thatna thuak hi.

Misiangtho Irenaeus aw...kote adingin thu hong ngetsak tan.