Misiangtho Gregory the Great Pawini. (September - 3)

Misiangtho Gregory in 540 kum in Roma ah suak hi. Kum 35 a phak hun, a nasepna te ah gualzawh na nasia takin angah khit kum 5 a sawt ciangin a neih alamh khempeuh nusia in Siampi sinna sangah lut hi. 590 kum, Deacon a hih lai tak in mipi te ngetna hangin Pope dingin teel na ngah a, tua khua pan tai sim ding a sawm hangin St. Peter tualpi ah paipih in Pope za ki pia hi.

            Tua khit ciangin a mah in Pasian nasepna khawl lo-in sem a, the great cih pahtawina ngah hi. A mah in thongkiate hotkhiat nading leh mizawng te huh na dingin pawlpi sungpan a ki ngah sum-met te zang hi. Gergory in Biakpiakna sungah Gloria la a zang ma sa pen hi-in, England ah Missionary te pai sak hi.

            A mah leh amah Pasian nasem te’ nasem ci-in ki sam in, a ma za alaihte khempeuhin tua min tu dongin kem cing lai uh hi. 604 kumin Roma ah si a, misiangtho in ki tangko pah hi. St. Gregory in leitung tangthu ah the great cih phatna angah Pope nih lak pan khat ahi hi.

Misiangtho Gregory aw…Ko te adingin thu hong ngetsak in.