Misiangtho George

Misiangtho George in Cappadocia khua pan Christian galhang khat ahi hi. Ni khat Misiangtho George in alauhuai mahmah Dragon khat in lauthawngna thuak hi. Libya gam a om, Sylene khua mi te in nisial in tua Dragon kiangah Tuu nih ta biakna in pia uh hi.
Tua bangin nisim in Tuu biakna in aneihna uh hangin nikhat khit nikhat Tuu tawm semsem hi. Tua a hih manin Tuu tangin mihing khat ta biakna in nei uh hi. Tua bangin biak na dingin ai san in mi kitel uh hi.
Ni khat tua aisan na pen kumpipa tanu kiangah tung hi. Ama tangin a si dingin kua mah ki piakhai ngam lo uh hi. Tua ahih manin Kumpipa tanu in Dragon ii an dingin ma pai ta hi. Ahi zongin Misiangtho George in tua Dragon pen ama teipi tawh dawtlum in Kumpipa tanu tua lauhuai na pan honkhia hi.
Kumpipa in a tanu sihna pan ahonkhia George pen Kham, Ngun, suangmanpha te tawh lungdam ko hi. Ahi zongin George in tua van te amah a piak tangin mizawngte a piak na dingin gen hi. George in tua bangin ahih na hangin mi tampi in Christian upna sungah lut in tuisawpna sang uh hi.
303 kum in a mulkimhuai mahmah Christian te bawlsiatna hong kipan hi. Tua bangin simmawh bawlsiatna thuakna hangin mi tampi in a mau Christian upna taisan uh hi. Tua banga mite upna a kisiatna thu amuh ciangin George in ama upna pen mipi muhna ah genkhia dingin Perlestine gam, Diospolis khua a om mipi mai ah hangsan takin pai hi.
Tua ciangin Roma galkap te lak pan a zalian khat in George pen khauteep tawh sat gawpin, mei sungah a ki sasak siksan tawh bawlsia hi. Anunung ciangin a ngawng tannin that uh hi. Misiangtho George in England gam a kem leh Topa Jesu adingin gal a do mite ahuh Misiangtho in ki ciamteh hi.
Misiangtho George aw…Ko te adingin thu hong ngetsak tan.