Misiangtho Florentina Pawini. (June – 20)

Misiangtho Florentina in Spain gam, Cartagena khua ah kumzalom (6) hunin mizawng innkuan sungpan suak hi. Florentina cih min in nuntakna cih khiatna nei hi. Florentina ii nu leh pa te in a zawng mah mah uh hangin Pasian thu a hanciam mahmah Christian te ahi uh hi.
Florentina te unau (4) pha uh a, a sanggam thum te a vekin Siadaw suak bek tham lo-in a vekpi un Misiangtho suak uh hi. Florentina ii u te in St. Leander, St. Isidore of Seville leh St. Fulgentius te ahi hi.
A nu leh pa te in Florentina a neu lai-in sih san ahih manin Florentina in a u Siadaw Leander kiangah om hi. Florentina in a u Leander Siadaw a suak ma, Siampi ahih lai pankipan a u pa ii lamlahna, makaihna bangin om in ama nuntakna Pasian kiangah ap in nungak siangtho suak hi. AD 636 kum kimpawl in si hi.
Misiangtho Florentina aw…kote adingin thu hong ngetsak in.