Misiangtho Damasus I (December 11)

Pawlpi leh upna a dingin thahna athuak, misiangtho te zahtak na a khantoh nadingin ahanciam ahi, Misiangtho Damasus in Rome ah 305 kumin suak hi. Tua hunlai-in Siampi te in zi nei thei lo ding (i,fjzL) cih thukhun om nai lo hi. Damasus ii Pa zong Siampi khat hi a, Damasus in a Pa tavuan ngahna biakinn ah Deacon suak hi. 366 kumin Pope Liberius asih ciangin Damasus in Pope dingin teelna ngah hi.
Tua bangin amah a ki teelna pen Antipope Ursinus in thukim lo in langpang hi. Lungsim picing in ngaihsut siamna anei Damasus in St. Jerome ii a letkhiat ahi, Vulgate (Latin tawh aki-at Lai Siangtho) pen thukim hi. Pope Damasus ii nuntakna hun nunung kum thum sung, Pope ii sacretry a sem ahi, Jerome in amah pen “nungak siangtho thahna athuak Misiangtho te zahtakna akhantoh nadingin ahanciam pa hi ci-in minthang hi.
Damasus in thahna athuak misiangthote kivuina ahi, leinuai han ah lai khat gelh in suang hi. Tua lai-in, “kei..Damasus in zong hih hanah kivuina ka ngah nuam hi. Ahi zongin hih misiangthote’ vut te tungah kamawh kakhialh khak ding ka lau hi” ci hi. Pawlpi tangthu sungah Misiangtho Damasus pen Ardeatina Way aom, ama lam Biakinn ah 384 kumin ki vui hi ci-in ki thei hi.
Misiangtho Damasus aw….Ko te a dingin thu hong ngetsak tan.