Misiangtho Catherine of Siena

Misiangtho Catherine in 1347 kumin Italy gam, Siena khua ah suak hi. Kum 6 aphak hunin Topa Jesu ama kiangah ki langh a, tua pankipan Catherine in a nuntakna Pasian kiangah ap hi. Kum 12 a phak ciangin a nulepa te kiangah cik mah hunin pasal ka nei kei ding cih alah na in a sau mahmah a sam tan hi. 1365 kumin nungak siangtho sangah lut aa, kideekna leh thungetna tawh nungta hi. Misiangtho Catherine in dawi ze-et nate thuak den a hih manin “Ka Pasian aw ka kha in ze-et na te thuak in a gentheih laitak in nang koi ah om na hi hiam” ci-in thu ngenin kap hi. Tua khit ciangin Pasian in “kong it ka tanu aw..na lungtang sungah kei ka om a, ka thupha te tawh tha kong pia hi” ci-in Topa in dawng kik hi.

1366 kum, Misiangtho Catherine in a khan sungah thu ngenin a om laitak in Topa Jesu leh Tonu Maria tea ma kiangah hong ki langh uh hi. Tonu Maria in Catherine ii khut len in Topa Jesu kiangah pia hi. Topa Jesu in zong Catherine khut me ah zungbulh bulh sak aa, kawi in tha pia hi. Hih kha thu sungah ki teenna in Catherine ii Pasian nasepna ah a nunung limlahna ahi hi.

Misiangtho Catherine in thong kia te kem hi. Ahi zongin mi te in mi hoih a kineih khem, a hai hi ci-in a man lo pi-in lang pang uh hi. 1375 kumin St. Christina biak inn sungah thu ngen in a om laitak in Misiangtho Catherine in Topa Jesu ii liamma te ngah hi. Misiangtho Catherine in anuntakna nunung sung in Dialogue cih laibu gelhna tawh bei sak hi. Tua laibu pen Khasiangtho makaihna tawh at aa, alunglut huai mahmah lai bu tampi at hi. Alian bel Siampipa in leitung bup tawh ki sai Pawlpi’ Makai pi khat ii din mun pan Catherine vaipuak ding a gen laitak, Catherine in Pope pen “PaPa” ci-in sam hi. Misiangtho Catherine in amah leh amah Pawlpi tuuno in a ki ap khitzawh, kum 33 a phak hunin lungmuang takin si hi.