Misiangtho Bridget

Misiangtho Bridget

 

 Misiangtho Bridget in Sweden gam ah 1303 kumin suak hi. Kum 10 aphak hun in mang khat mu hi. Tua amangmuh na ah Topa Jesu Singlamteh tungah ki khai hi. A mah in “kua in hi bangin hong bawl hiam a cih leh Topa Jesu in kei hong mudah te leh ka it na hong nial mi te hi” ci-in dawng hi. Tua hun pan ki pan Misiangtho Bridget kha nuntak na ah Topa Jesu gimthuakna in a thupi pen hi.

Misiangtho Bridged in ta 8 nei-in kum 28 sung, a inn kuanpih te tawh nuamtak in aom khit ciang, a Pasal si a, tua pan Third Order of St. Francis ah lut in Poverty leh thungetna tawh kal suan hi. Aneu lai pek pan ki pan amang muh, a sawt lam ciang, tam vei mu semsem hi. Amau congregation ah zawngkhal tak in om na ban ah sum angah sunsun uh mizawng te pia uh hi.

Misiangtho Bridged in Palestine gam ah khat vei apai cih loh, a sih dongin Roma ah om in Pawlpi sungah ki puahthak nate bawl ding hanthawn hi. A mah in ni sim mawh sut in maitai den ahih manin “amaitai nu” ci-in minthang a, 1373 kumin, si hi. 1391 kum in, Pope Boniface IX in Misiangtho suah na tangko hi.  Misiangtho Bridget pen meigongte ahuh misiangtho in ki ciamteh hi.                                                           

 

 

Add new comment

7 + 3 =