Misiangtho Bonaventure Pawini. July-15

Misiangtho Bonaventure in Italy gam, Bagnoregio ah suak hi. Kum 22 aphak hunin St. Franciscan Order ah lut in amin zong John pan Boneventure in laih hi. Pilna aman dong asin zawh na dingin Peris ah amah ki puak a, St. Thomas Aquinas tawh ki thei uh hi.

St. Thomas in pil na bul pi bang hiam ci-in a dot ciangin Bonaventure Singlamteh (Crucifix) a lak hi. A mah a mai tai den na pen, “kha thu sungah nopsakna in mihing te’ lungtang sung a om Pasian thupha ii alian pen lim hi” cih a kam mal alah khiat na ahi hi. Kum 35 a phak ciangin St. Franciscan Order ah Minister General ding in teel na ngah hi.

Ni khat ama kiangah St. Thomas hawh a, Misiangtho Francis thu lunglut tak in a-at Bonaventure kongkhak pan amuh ciangin “Misiangtho in Misiangtho ading asep zawh nading in koih ni” ci- in mun dangah pai khia kik hi. 1273 kum in, Pope Gregory X in Bonaventure Cardinal a suah nading thu a puak dingin Rome pan palai pawl khat pai sak hi. Amau te in Bonaventure pakan sil in a om laitak va mu uh a, a nasep khawl nuam lo a hih manin, a gei aom, singkung tungah Cardinal puan te khai sak hi. Bonaventure in 1274 kum in Piantit gam, Lyon ah meeting kah ding apai lai tak in si hi.