Misiangtho Bernardine of Siena Pawini. (May 20.2023)

Misiangtho Bernardine in Kha Siangtho tawh a kidim, Pasian kamsang khat hi aa, 1380 kumin Italy gam, Massa Mari Hima khua ah suak hi. Aneu lai-in a nu le pa te in sihsan ahih manin a nupi in kem in pilna sinsak hi. A nupi in Bernardine pen Pasian zahtak nading hilh tawntung hi.
Kum (17) aphak ciangin ‘Tonu Sanggamte’ cih kipawlna ah lut hi. Tua ki pawlna ah cinate damsak nading ngiim na tawh amau leh amau ki apna nei uh hi. Tua khit kum (7) ciangin Sirina khuapi gei aom, thukhun a tam phadiak St. Francis congregation ah lutin Siampi suak hi. Pasian’ thu lungngaihna leh lai lamah kum (12) sung hanciam in om hi. Nikhat ‘U Bernardine aw Pasian hong piak hehpihna khempeuh iimcip nawn ken’ ci-in tangval siangtho khat hong kiko hi.
Tua aw ging pen Bishop te’n zong a zak uh ciangin Bernardine pen Italy gamsung khempeuh ah Pasian thu tangko kawikawi dingin sawl uh hi. Bernardine ii Pasian thu genna hangin mi tultampi in khanlawhna ngah hi. ‘Pasian kammal thuman agen mite in vangliatna nei hi’ ci-in Bernardine in genkhia hi. Bernardine in Pasian’ thu a genkhit simin ‘Jesu min siangtho’ cih lai a kigelh singpek khat tawh thungai mite thupha pia tawntung hi. Tua singpek tungah ‘J.H.S’ cih laimal kigelh aa a khiatna in ‘Jesu Hominum Salvator’ (Jesu leitung mite gumpa” cihna ahi hi.
Bologna khuapi ah Pasian thu a genna hangin sum tawh a kimawl phekap te in aphe (card) te uh mei tawh haltum uh hi. Phe a bawl pa ahih leh supna tampi neizo hi. J.H.S a kigelh singpek a zuak khiat leh sum tampi ngahin hau mahmah hi. Bernardine pen a tungsiah te’n Bishop zaa ah khanto nuam hi mah taleh amahin leitungah vak kawikawi in Pasian thu gennuam zaw ahih manin Siampi bekmah lung kimtakin semsuak hi. AD 1430 kumin St. Francis congregation ah Vicar General ngah hi. Amah in a zulhtat Siampi te kiangah Canon Law tawh kituakin gamtat nading thu hilh den hi. Bernardine pen AD 144 kumin si hi. A sih khit kum (6) khit ciangin Misiangtho suak hi.
Misiangtho Bernardine aw…Kote a dingin thu hong ngetsak tan.