Misiangtho Bernardine of Siena Pawini. (May – 20)

Misiangtho Bernardine in 1380 kumin Italy gam, Massa Marittima ah suak hi. A neu tungin a nu leh pa in sihsan ahih manin a nu sanggam nu in kem a, Bernardine in pil sin khuan ngah hi. A nu no in Pasian a zahtak nading in Bernardine thu hilh den hi. Benadine kum 17 a phak ciangin “Tonu sanggam te” cih kipawlna ah lut hi. Tua ki pawl na sunga om te in cina te dam sak nading cih ngiimna tawh amau leh a mau a kipiakhia te ahi uh hi.
Kum 7 asawt khit ciangin Bernardine in Siena khua aom, a khauh mahmah thukhun a zui St. Francis ki pawlna sangah lutin tua sangah 1404 kumin siampi suahna ngah hi. Mi tampi phattuam na ding na ih sep ding ciangin ei mahmah in theihna, pil na khat tei tei ih neih masak kul hi. Tua ahih manin Bernardine in Pasian thu lungngaihna leh Pasian thu tawh kisai lai te kum 12 sung sin hi. Siampi a suah cil lamin thu gen siamin Bernardine a minthang hangin anung lam ciangin thu gen zo taknawnlo ahih manin khat veivei lungneu thei hi. Ni khat, tangval siangtho sin khat in tha khat in “u Bernardine aw, nang kianga om thupha te silcip nawn kei-in” ci-in hong kiko hi. Tua thu a tungsiahte in hi thu in vantung pan hong pai aw hi ding hi ci-in ngaihsun uh a, Bernardine pen Italy gam sung ah pai kawi kawi in teci pang dingin sawl uh hi.
Bernardine ii thu gen siamna, thalawpna te hangin thungai mipi tampi kaikhawm zo hi. “Topa Jesu ii min siangtho in ama thu a gen te adingin vangliatna hi” ci-in Bernardine in gen a, thu gen aman sialin “Jesu ii min siangtho” cih lai a ki gelh singlamteh tawh thungai mipite thupha pia den hi.
Bologna khuapi ah Bernardine ii Pasian thu a genna hangin sum tawh a kimawl phekap te in aphe te uh mei tawh haltum uh hi. Phe a bawlpa ahih leh ama nuntak nading sum zonna suplawh ahih manin lungkham ta hi. Tua manin Benadine in tua phe bawlpa kiangah J.H.S a kigelh singpek te bawlin azuak na dingin gen hi. Tua pa in zong J.H.S a kigelh singpek te a zuak khiat leh sum tampi ngahin hau mahmah hi.
Bernardine pen a tungsiah te in Bishop zaa ah khanto nuam uh a, ahi zongin aman leitungah vak kawikawi in Pasian thu gen nuam zaw ahih manin Siampi bek mah lung kimtakin semsuak hi. 1430 kumin Bernardine in St. Francis kipawlna ii Vicar General suak hi. Amah in a zulhtat Siampi te kiangah Canon law tawh kituak in a zuih na dingin thu hilh den hi. 144 4 kum, ama kum (46) hunin Benadine si a, a sih zawh kum 6 khit ciangin Misiangtho suak hi.
Misiangtho Bernardine aw…kote adingin thu hong ngetsak in.