Misiangtho Athanasius Pawini. (May – 2)

Catholic upna acing akem Misiangtho Athanasius in 293 kumin Egypt gam, Alexandria ah suak hi. Pasian thu leh upna thu te hoih takin a sin khit ciangin Alexandria khua Siadawpa kiangah secretary sem in, 328 kum ciangin tua siadawpa za laih hong suak hi.
Tua nungsang ah upna leh Pasian thu vai ah minsiatsakna, ko siatna, langpang na te kep leh dal kipan hi. A diakdiak in Topa Jesu ii alamdang vangliatna te san ding a nial Alexandria siampi te leh Arius te ahi uh hi.
325 kum in Nicaea council ii upna ahi, Tapa Pasian vangliatna in Pa Pasian vangliatna tawh kibang ahihna khensatin lak khia zo himah taleh kiselna, buaina om lai hi. Arian a kici pawlpi upna anial te in Emperor zum ah thuneipi te ahih banah amau te in pawlpi langpang na ah tua hun a aminthang la te pan langpangna te nasia takin a hanciamte ahi uh hi. 355 kumin mun khempeuh ah tua thu ki zel a, Mst Jerome in “leitung in amah leh amah Arian khat bangin ki mu in, lamdang sakna tawh thum in tau hi” ci-in gen hi.
Arianism anial Pope Julius leh siadaw te pen kumpi langpang in ngaihsun uh a, a tuam in omsak uh hi. Athanasius mahmah in zong kum (17) sungin (5) vei gam sungpan hawlkhiatna thuak hi. A ki thah khak ding lau in sehnel gam ah abu zateih te kiangah amah zong (2) vei bu ngei hi.
363 kumin Athanasius in Mst Anthony ii nuntakzia leh laibu tuamtuam te gelhna tawh ama hun hoih takin zang hi. Athanasius pen 373 kum in si a, a luang pen Venice khua ah ki pua hi. Amah pen pawlpi acing akem khatin ki ciamteh aa, ama hanciamna hangin Catholic upna suksiat nading lampi pan honkhia zo in gualzawhna tampi zong ngah hi.
Misiangtho Athanasius aw…kote adingin thu hong ngetsak in.