Misiangtho Aquila leh Priscilla te Pawini. (July 8)

Misiangtho Aquila leh Priscilla te nupa in Corinth khua leh Ephesus khua te ah Misiangtho Paul a huh apanpihte ahi uh hi. Aquila in Jew minam hi-in, Priscille pen Roma minam ahi hi. Amaute in Roma tawh kizopna aneihna uh gamuk kumpi te a lah na ding un Latin min zong nei uh hi. Aquila leh Pricilla te inn in lengla te a khawl theih na ding un mun hoih innpi khat ahi hi.
Paul in thusitna a thuak khit ciangin Corinth pan Ephesus ah Aquila leh Priscilla te sam hi. Ephesus a tun uh ciangin Paul pen Jerusalem ah pai suak in Aquila te nupa Ephesus ah Pasian nasem dingin om suak uh hi. Amaute in tuisawpna leh upna thu tawmkhat a thei, pilna nei Christian khat ahi Alexandria pan Apollos tawh ki mu in ki thei uh hi.
Aquila leh Priscilla te in Christian upna sungah a thu thuk thu te Apollos hilh uh hi. Misiangtho Paul in Roma khua mi te kiangah a gelh lai tung tawnin Aquila leh Priscilla te in Apollos a dingin nasia takin na sem uh hi cih ki mu thei hi. Christian upna tangthu ah a ki genna ah Priscilla in a lawmpa Aquila sangin thalawp takin na sem zaw hi.
Misiangtho Aquila leh Priscilla te aw…Kote adingin thu hong ngetsak un.