Misiangtho Angela Merici (January 27)

Misiangtho Angela Merici

Misiangtho Angela Merici in Italy gam ah 1470 kumin suak hi. Aneu tung pan tagah khat ahi hi. A nunung Sacramentu ngah man lo asi, kum (13) apha a u nu tung pan, vantung tawh kisai mangmuhna khat ngah hi. Tua pan lungdam kohna in amah leh amah Pasian tungah ki-ap in (Third order of St. Franciscan) St. Franciscan congregation ii a thumna nungak siangtho sangah lut hi.
A mang muhna khat ah aman khangnote pilna lam khantoh nading in Congregation khat phuankhia ding hi ci-in Pasian in lak hi. Desenzano del Garda khua ah numeinote pilna sinsak nading sang khat phuan a, anihna sang pen Brescia khua ah phuan hi. Tua khua ah numeinote leh adiakdiak in mizawngte pilna sinsak dingin akipia khia nuam lawm (12) ngah hi.
Amau te in sang kah hun leh thunget hun te ah a kikaih khop uh hangin akibang puan silhna leh Religious te bawl kiciamnate nei lo uh hi. 1535 kumin mimal tawmno khat ahi, lawmta te in sanginnte acing akem misiangtho Arsula ii huhna nuaiah aki koih Religious khat in piangkhia hi.
Amau Congregation pen Pawlpi sungah amasa pen pilna sinsak, pilna piakhia kipawlna hong suak hi. Misiangtho Angela Merici in 1540 kumin si a, 1907 kumin Misiangtho in ki tangko hi. Misiangtho Angela Merici pen cina te, khut leh khe kicing lo te leh nulepa nei lo tagahte ahuh misiangtho in kiciamteh hi.
Misiangtho Angela Merici aw….ko te adingin thu hong ngetsak tan.

Add new comment

7 + 13 =