Misiangtho Amelia leh Emilia te pawini. (July – 10)

Misiangtho Amelia leh Emilia t

July 10 ni-in alamdang mahmah ni khat ahi hi. Bang hang hiam cih leh amin lah kibangin a pawini lah a kibang Misiangtho nih te pawini hi.

Amaute in Misiangtho Amalberga (Amelia) leh Misiangtho Emilia te ahi uh hi. Amalberga pen Amelia ci-in zong ki sam hi. Amah in Belgium gam, Brabant khua ah suak hi. A pasal pen Wotger hi a, amauten ta thum nei uh hi. A ta te in Gudila, Reinelda leh Emembertus te hi uh a, amau thum zong misiangtho te mah ahi uh hi.

Amelia te nupa in Pasian na sem dingin khentat in a lawmpa Siampi suakin Amelia nungak siangtho suak hi. AD 690 kumin Amelia si hi.

Tu ni misiangtho adang khat in Emilia hi a, AD 741 kumin Pasian thu a hanciam mahmah Christian innkuan sung pan suak a, amah neu tung pankipan ama nuntakna Jesu Topa tungah ap hi. Emilia in a mel hoih mahmah khat zong ahi hi.

Tua hang mahin zong kumpi a suak ding Charlemagne in Emilia a teenpih nuam ahi hi. Ahi zongin Emilia in kum sawtpi Charllelmagne na nolh hi. Ni khat ciangin Charlemagne in Emilia ii khuhpan a kaih gawp leh Emilia ki tom ahih manin a ban ki tan hi. Ahi zongin tua a kitan a ban pen a lamdang takin dam kik hi.

A dang alamdang khat in ngasa golpi khat anungah a om laitak in Emilia in a lamdang takin gunpi kantan hi. Tua hangin ama lim a ki suaih ciangin ngasa golpi khat a siksan na lim ki lak den hi.

Charlemagne a damloh ciangin Emilia in a bawl leh damna ngah kik hi. Emilia in AD 772 kumin si hi.

Tuni aa Misiangtho pawi ih bawl te nih pen ban na te, lo kho te leh ngaman te ii belh deuh Misiangtho te ahi uh hi.

Misiangtho Amelia leh Emilia te aw…kote adingin thu hong ngetsak un.

 

Add new comment

12 + 1 =