Misiangtho Ambrose Pawini. (December - 7)

Milan khua acing akem ahi, Misiangtho Ambrose in 340 kumin Germany gam, Trier khua-ah suak hi. Apa a sih khit ciangin Roma ah pil sinna zom aa, a sawt ciangin Milan khua uk dingin vaipuak ngah hi. 373 kum dong pawl dangin aom Ambrose in mipite’ thukimna tawh Milan Siadaw dingin teel na ngah hi.
Tua ciangin tuisawpna leh Siadaw Ordination thakhat thu in ngah hi. Tua zawh ciangin ama neih leh lam te mizawngte piakhia in, ama lungsim, pumpi avek pi-in mi te adingin ki-ap in hanciam takin kipia khia hi. Ama nuntak hun sung tawntung ah kiniamkhiatna leh siangthona tawh hanciam tak in nasem hi. Ama hun tampi te Laisiangtho simna leh thuhilhna te tawh bei sak hi. Milan Diocese biak inn pi ah Ambrose ii thu genna hangin St. Augustine zong agamtat kikhel hi.
Gentheih haksatna nasia tak aki thuak hunin Ambrose in pawlpi neih Tembaw te zuakin angah sumte, thong kia mi te leh mizawngte adingin huhna pia hi. “A zenzen in Pawlpi in Ngun leh Kham te ih neih leh tua te in huhna a kisam mi te ading in ih zat ding hi a, ih kep cingding hi lo hi” ci-in Ambrose in Pawlpi tungah gen hi. Pasian ading siangthona hoihtak in kem cing a, khangno tampi te in zong ama makaih na zui uh ahih manin mi pawlkhat te in Ambrose mawh sak na gen uh hi.
Tua mi te in “hi bang in hih na in Empire sungah mimal kiam sak hi ci uh a hih manin St. Ambrose in minam bei na ding abawl te in asiangtho khangno te hi lo hi. Gal ki do na hi zaw hi” ci-in dawng kik hi. Ambrose in Kum (57) aphak hunin si a, a luanghawm pen gam uk te kivui na bang hunpi tawh Milan biak inn ah ki vui hi. Misiangtho Ambrose pen Siadaw te leh sangnaupang te a huh misiangtho in ki ciamteh hi.
Misiangtho Ambrose aw…ko te adingin thu hong ngetsak in.