Khua Hun Zui in Gamtat Zia Ding

Khua hun cih thulu nuai ah cidamna dingin a theih huai thu pawlkhat hong hawm sawn nuam ing. Khua hun in a thupi mahmah mi hing te nuntakna a nuamsak leh a sia sak thei khat ahi hi. Khua hun hoih leh ci damna hoih ki nei zaw deuh in, cidamna in neih leh lam nate sangin a manpha mahmah Pasian thupha ahi hi. Cidamna dingin khua hun tawh ki tuakin ki kep zia te zong ih siam ding a ki sam mahmah khat ahi hi. Khua hun tawh ki tuakin cidamna dingin ih cih ciangin phalbi ciangin puan lum silh in a lum thei penpen in kit un ding, khua lum hun ciangin puan a pan deuh silh ding a ki lawm ahi hi. A hi zongin nik ten puan silh bek hi lo-in an nek tuidawn tawh zong ki kep siam ding kisam hi. Phalbi khua dam nuai ah tuivot (tuikhal) bang ih dawn sangin niangtui a lum mahmah bang dawn leng nuam zaw hi. Khua lum tah ci-in khuasung a vak na ciah ciangin tuivot mahmah tawh ki pumsil vat le cin na pumpi in thuak zo-lo ding hi. Mi pilten’ keek kia ih cih pen a sa mahmah leh a vot mahmah huih a ki tuakvat ciangin a hong pian hi ci-in na gen uh hi. Tua mah tawh ki zui-in na khua a lum mahmah lai takin a vot mahmah tui tawh ki sil vat kei-in, na pumpi aa dingin lau huaina tampi hong pia thei hi. Tua bek tham lo-in cidamna dingin nangma pumpi leh na kim na pam zong a siangtho ding ki sam mahmah hi. Kim leh pam siangtho leh huih siangtho ki ngah in, huih siangtho dikna in cidam khan sauna zong hong pia ding a hih lam kip hawk kim ciat ni. 

Source: Mr. Anthony Piang

Presenter: Rev. Sr. Agnes Ciang

Edit: Mr. Anthony Pian