ZIHOIH ABIGAIL

ZIHOIH ABIGAL
“Zihoih pen a pasal minthangna leh lungdamna hi-a, a pasal a amaizumsak zipen a pasal a dingin a dam theihlo guhnatna tawh kibang hi.” (Paunak 12:4) 
Kongit sanggam te aw, zi-icih pen bang hiam? Kua hiam? Na nu zong,na pi zong, nanau, na u zong hi thei a hih kei leh nang mahmah zong na hi kha ding. Zi hoih aom mah bang in zi hoihlo zong om hi. Mipil te’ kaih khopna laibu khat kasim na-ah zi nam (7) om sak uh hi.                         
(1) Nu a bang
(2)  Sanggam a bang
(3) Lawm a bang
(4) Sila a bang
(5) To a bang
(6) Guta a bang
(7) Mi that a bang zi ci-in nam (7) na mukhia uh hi.

Lai Siangtho tungtawn in enleeng a masa pen zi-in Eva (Eve) a hi hi. (Piancil 2:24-25,3:8.) Mipa in a zi minpen Eva (Eve) ci hi. (Piancil 3:20.) Amawh masa numei hi a, numei hangin eite a si ding vive ihi hi. (Sirach 25:24.) Mikhat hangin leitungah mawhna hong om a,Tua mawh na hangin sihna hong piang hi.(Rom 5: 12.) 
Abeisa kum(10) lai pawlin, zi khat in a pasal theihlohin sum bawl hi. Ni khat ni teh a pasal a Inn pan palik ten kaikhia hi. Thu a kisit teh thei peuhmah keng cih loh buang a dang genlo hi. Azi man in a sit leh, kapasal thei saklo in sem kha mah ing. Sum tawh asem hilo in avan kepsak thaman bek angah ka hi ci hi. Innkuan sungah thu sia khat hong om leh Innkuan PA in thusit thuak masa hi. (Piancil 3:8-12.) Amawh masa numei hi napi mipa thusit masa hi. Topa Pasian in mipa sam in ama kiangah "Koi lai ah omna hi hiam? aci hi, 
`"Zi nam (7) lakah a (7) na ahi "Mithat bang zi" cih enpak leeng, thukhen te 16:5. Filistia u liante tua nu (Delilah) kiangah hong pai-in "Amah hong zolin la ama hatna koi-ah om ahi hiam? Na theihzawh leh ngunpek (1100) ciat kong piading uh hi" a ci hi. Tua hun a kipan Samson zi-in a pasal thusim a theihna dingin zol in, hemnel in tobawl zel hi. Na thu sim nonggen noploh hong ngailo hi teh ci hi. Paunak ah “numei in zawh lah neilo” ci a om mah hong gen khia pet mah mawk hi
 (Thukhente 16:17) Ka lutung ah mulkiatna kitah ngeilo hi, bang hang hiam? cih leh kasuah tunga kipan Pasian tungah akipia Nazir mipa ka hi hi. Kasam kimet leh kahat na in kei hong nusia dinga, ka thaneem dinga, midang mah ka bang ding hi a ci hi. A tawp na ah (Tkte, 16:29-30) Samson in Innpi a do khuampi nih te man in, Inngnnpi kicim suk hi. Tua lai-ah zigina lo hangin apasal si hi.
 (Roma 5:17) Mi khatbek mawhna hangin sihna in honguk ahih leh mikhat mah ahi Jesu Christu hangin nakpi takin a lian Pasian' hehpihna le mi hoihsanna a ngah mite nungta in thahatzawkan ding hi.
Zi hoihlo Delilah hangin a pasalSamson in sihna a thuak hangin, zi boih Abigail hangin a pasal Nabal in thahlupding pan suahtakna ngah hi. (1 Samuel19:1)- Kumpi Saul in David thahsawm ahih manin Saul tapa Jonathan in a lawmit David gam simtham ah kihepkhiatding gen hi. David zo alawmpa itpa'gen maniin a galkapte tawh Paran gamlakah aom hi. Camel mualah mi haumahmah khat om a, tuu tul thum le keeltul khat nei hi. Tua pa min Nabal hi-a, a zi mi'n pen Abigail a hi hi.  Abigailpen tei le melhoih a thuahkhat hi-a,ahih hangin a pasal pen a ki-uk zolomi le a gamtat siakhat a hi hi. David in atangval te kiangah "Camel ah paitounla, keima mintawh, naneih sungpan nongpiak theih peuhpeuh na nasem pa David tungah pia in "a ci sak hi. Tangvalte zong pai-in David gen tenga gen uhhi. Nabal in David tangvalte dawng a,"David kua ahi hiam? Jessi tapa kua ahi hiam? Tu lai-in a tote kiangpan in ataikhia nasem tampi om hi. Ka neihsate la in ka theih ngeiloh mite tungahpiading ka hi hiam?" ci-in dawng hi. David tangval te ciah kikin David kiangah azak bangun a gen hi. David heh mahmah in a sim dingin tangval 400 bang tawh namsau kuah in pai uh hi. Hih thu Nabal na semte khatin Abigail kiangah gen hi
Tua ciang Abigail kinawhthawiin, anlum 200, leenggah zu thawl 20, a hanminsa tuu 5, an kanlawh 5, leenggah keu bawk 100, le theimoh 200 la-in, David kiangah  thuum dingin a nasem te tawh a pai hi. David in Nabal neihsa khempeuh khat zong sit lo in vatmaii ding na khensat khin hi. A kituah uh ciangin ama khephungah boksukin "Kei tungbekah ka Topa aw, mawhna omta hen. Nakiangah na nasem nu thu honggen sakinla, na nasemnu thu gente hong ngai-in a ci hi. 
(I Sam 25: 32) - David dawnkikna... Lungnuam in na inn ah ciahto-in, na thu kangai a, nong thuumna kong piakhin hi" a ci hi.
Abigail a inn atun ciang Nobal in pawi bawlin zu nakham ahih manin bang mah genlo hi. Zingsanga zukhama ven ciangin thu piangteng genpan in Nabal lungkham lua in a lungtang si-a suangtum bang hi. Tua zawh nisawmbang ciangin Nobal sita hi. David in Nobal sihna thu a zakciangin piltei le melhoih a thuah Zi ahi, a Pasal kithah nading pan a honkhia zo Abigail tangvalte a heel sak hi. Abigail in David kamtai te zui-in ama Zi a suak hi. 
I nu ten bangzah mawhna nei ta leeng thuak keiikaii in hongit in honggum den hi. Abigail pen Nobal adingin nu-a bang zi ahi hi. A pasal a honkhia zi-a om hang aki hilh theilo pasal thu manglo, phunhat,nuakhat, pasal thusimlo zi honkhat mahommawk hi.(Sirach 25:26) Na zi-in na thuhong mannop kei leh amah malel in ci hi. (zidangnei hen cilohi.)
(Paunak 21:19) Aphunhat zi tawh ten khop sangin gamsim tham ah khatguak tangten hoih zaw hi. (Paunak 12-4) Zi hoih pen apasal minthanna leh lungdamna hi. Lungdam.
Sia Joannes Thang