Tate leh Tanute aw ci aa thuvai khakna

Innkuan thu cih thulu nuai-ah Rev. Fr. Paulinus Muan Lian in a gelh Tate/ Tanute aw ci aa thuvai khakna hong hawm sawn nuam ing.

Nu le Pa zawng in, neihsa lamsa aki tang cing lo hang., na mawh pai kei un, ahang in, azawng kawmkal in, note an hong ngawlsak lo, lungdam ko zaw in. 

Nu le Pa in, na neu lai hong taisan, hong nusia lo dan mah in, nang zong na Nu le Pa, nazi natate hang in taisan, nusia ngei kei in. 

Nu le Pa nang hang in khitui luang sak kei in. 

Nu le Pa nang hang in, milak ah mai zum sak kei in. 

Nu le Pa tung ah zahtahna pia den in. 

Nu le Pa, agil kial in koih kei in. 

Nu le Pa, leitung ah anuntak laitak in lungdam sak in, lungkim sak in. 

Nu le Pa aki tangsap na khempeuh na bawl sak zawh nading han ciam in. 

Nu le Pa ading Biak Pasian kiang ah, thu nget sak den in. 

Hite na bawl sak kei aleh Nu le Pa asih ciang kap kei mai in. 

Hih thu a za a ngai mimal kim ciat tungah a sangsiam ding leh a nuntak pih dingin Topan thupha hongpia ta hen. 

Ka lungdam.

Add new comment

2 + 1 =