Kitenna Sacramentu leh Innkuan nuntak ziading

Innkuan thu cih thulu nuaiah Kitenna Sacramentu leh Innkuan nuntak ziading hilh cianna Rev. Fr. Maximian Mungpi tungpan hi. Kitenna ih cih ciangin Pasian maiah Christian Nu leh Pa hih ding kisam hi.Pasian thukham zui aa kitenna thupi bawlin, Pasian sungah nuntak tawntung ding zong ahi hi. Pawlpi a khan semsem na dingin zong geelna ahi hi. Pasian in mihingte a bawlin ama lim leh meel sun ding aa hong bawl hi. Pasian in numei pen Pasalte nakguh pan na la hi. Bang hanghiam cih leh a khe pan la leh numei pen nengiam ding hilo, a lutungpan la leh lah pasalte tung aa om ding hilo cii aa lahna, nakguh cihpen lungtang a keem a dal leh nuntakna a kikim ding, pasal in numei pen keem ding dal ding, it ding cihna zong ahi hi.  A nuntak na sung uh ah nih hi nawn lo-in ki pumkhat aa nuntak ding ki thutuahna ki pumkhatna neih ding thupi mahmah hi ci-in hanthotna a neihna ahi hi.