Family life Feb.17,2019

Tate pen neih le laam sum le paai te sangin manpha zaw hi.

Hih tangthu pen innkuan khat a hi Pa Piang, Nu Zam le Tg. Kimpu cih tea hi uh hi. Amau innkuan pen ki itna om mah tase leh ni khat a ta uh ahi Tg. Kimpu in ama deih khat a lei nopna hangin anu le apa dong se lopi-in sum tampi a baihin ni tawmno sungin ngah theina ding a upmawh na hang tawh a motor neihuh mihau pa kiangah na khamin (pong) pia hi. Tua mi haupain khem ahih manin a tawpna ah anu le apa ten hong thei kheh veve hi. Hihbang ngamtatna hangin apa heh lua mahmah in a tapa neih sun uh inn panin kong munuam nawnkei cih kawmin, motor na ngah kik matengin hong ciah nawn kei-in ci-in hawlkhia hi.

Anu lung zuang lua mahmah in thungenin, kua-in hong huh zo ding ahi hiam ci-in aveng, apaam, a lawm leh agualte leh online panin ahuh ding a zonzon lai takin RVA pan innkuan thu sungah tate pen neih leh laam, sum leh paai sangin manpha zaw cih hong mu khia hi. Hih thu azak ciangin a lawmpa kiangah a lah ding kal ngak lah lua mahmah in office aom a lawmpa sam in a lak hi. A lawmpa zong hong ki khel pahin amah leh amah in a tapa uh hong zong in amuh phetin sam kik in ciah pih pah hi. Inn a tun ciangin a innkuanun mawhna te ki maisakin, innkuan nuam le Pasian a phat khawm, a ki thutuak innkuan hong suak uh hi.