Mainuai Tonu Pawi Hungelna Feb.2,2019

A (16) vei na  Mainuai kilemna Tonu pawi

Kumsim a i pawl mainuai Tonu ki lemna pawi February kha Ni (1) Ni zin tun ni hi. Zintungni nitak ciang in La kidemna zong om ding hi.  Biak Piak na sung ah a ki zang Kyrie, Gloria, Credo, Sanctus, Pater Noster, Agnus Dei   la te awkim in kidem nazong om ding hi. Hi kidem pen Parish kimin hong sa ding hi. Tonula zong akiphuak tawm te khat ta kidem lai ding hi. Sa yin zong Parish (10) bang in hong pia khin ta hi. February kha ni (2) pen zing sang nai 8 in biakpiakna omding hi. Misa biakpiakna aman teh tui siangtho bawl na om ding hi. Nitak nai (2) pan nai (4 )dong cina te zato kilakna hun om ding hi.Siavuan, Siamah te zong kisam hi.  Ni (2) ni nitak pen a hun hun in Masa biakpiakna omding hi. Nitak nai (9) pan nai (10) ciang  Tonzang Zone, nai (10) pan (11) ciang Tedim Zone, nai (11) pan (12) ciang Khampat Zone, nai (12) pan nai (1) ciang Kalay Zone cih bang in Topa teng in hong makhai ding hi. Misa zong kingen thei hi. Nipi ni Zing sang nai (9)Misa biakpiakna kipan ding, kikhawp manteh la kidem te letsong kipia ding hi. Sun ann pen tukum ki vai hawm lo ding a, lei theih ding in ki vai hawm sak ding hi. Mainuai kilemna Tonu pawi ah tampi tak i ki hel zawh na ding hanciam tek ni. Kum dangin zankhat bek ki tam a, tukum zan nih hi ding hi.  Tonu thupha I ngah kimciat nading ing  RVA pan kong han thawn hi.