Nupi leh Papi te Pasian Thusinna leh Parents Day (Sts. Peter & Paul Parish 21-23 July, 2023)

Sts. Joachim leh Annate phawkna pawi pen Kum sim in ih zat ahi Pawlpi hong ceptehsak July 26 ni-in a ki bawl hi aa, tua ni mah in a maute hoihna leh phatna beelin thungenin Nu leh Pate pahtawina a kibawl ahi hi. Nu leh Pa Pawi (Parents Day) cihna zong hipah hi. Hih pawipen July 26 ni himah tase leh mun tuamtuam ah a nai penpen Nipi (Sunday) ni-in mi tampi a ki hel theih nading geelna tawh a kibawl ahi hi. 

Kalay Diocese, Kalemyo aa om Sts. Peter & Paul Parish in Nu leh Pa pawi muakna in Nu leh Pate Pasian thu sinna (Tentan) ni nih sung nei uh aa, nupi leh papi 150 val ki hel uh hi. Rev. Fr. Joseph Zo Mung ( Director of RVA & KOSC) leh Rev. Fr. Maximian Mungpi (Pp Sts. Peter & Paul) te-in makaih uh hi. Hih tentan sungah kha thu bek hilo, pumpi lungsim, innkuan sung nuntak zia ding cihte zong ki helin zaknop kisa mahmah in thupi mahmah hi. Tentan kah khat ii genna sungah, "Hi bangin tentan pen ki bawl zelzel leh hoih mahmah ding hi" ci hi.

July 23 ni-in Parents day nop citakin bawl in, Rev. Fr. Maximian Mungpi (PP) ii makaih natawh Missa Biakpiakna nei uh aa, Rev. Fr. Joseph Zo Mung (Director of RVA & KOSC) in Kha-an vakna nei-in zaknop kisa mahmah hi. 

Sts. Peter & Paul Khangnote makaih na tawh Parish sung aa om Parish Siampipa Rev. Fr. Maximian, Sister Pinu, Missa Biakpiakna sungah hong kihel Siampite leh a kumham zawdeilh ahi, nupi leh papite letsong piakna nei uh hi. Hih pahtawina hun a man khit ciangin mipi a pai khempeuh aa dingin citpiakna Nu Maria Goretti HmungThuai & Pa John Maung Soe te innkuan thupha bawlna tungtawn in a ki vaihawm Aksa tangciim a lim mahmah nekna om hi. Siampite, Sisterte leh Siate nek dingin zong a piakhia uh keelsa om cih kiza hi. Hih bangin a etteh huai Piakkhiatna a pia ziahziah Parish sung aa om thuzuite pen Sts. Peter & Paul Parish ah om uh ahih man in ki angtang mahmah hi.

Topan a piakhia innkuante tung leh a vaihawm mimal kim tungah nu leh pa thupha, Pasian thupha hongtung kim ciat ta hen.

By Mr. Anthony Piang