Khangno leh gualzawh na

Pope Francis leh khangnote

Kong it khangno te, gualzawhna nangah nuam takpi uh hiam? Gualzawh nopna lungsim leh khantoh nopna lungsim na neih tak pi leh agual zo mi na suak takpi ding hi. Mihing khempeuh in gual zawhna ngah nuam in hanciam tek uh hi. Tua mah bangin khangno te zong agualzomi suah nop leh tu lai tak a na nasep tungah lunglut tak in sem in. Zulh sep lo in hanciam in. Gual zawhna lam manawtna ah nuam den, senpy den lo dinga, haksatna tuamtuam zong ki tuak ding a, minamkim tawh zong ki tuak kha thei ding hi. Tua te khempeuh thuakzawhna lungsim leh upna na neih ding ki sam hi. Lung sim hoih neih ding zong ki sam hi.
Gualzawhna hun hong tun ding ngak kei-in. Nang mahmah in hanciam in. Tua ban ah nang’ pilna, siamna te zangin. Sing phuk mi nih te’ tangthu na za ngei khin ding uh hi. Tua tangthu sunga singphuk khat pa in nikhat nai 10 sung khawllo in singphuk a, a khat pa in ahih leh nai 5 sung phuk in damdam in phuk hi. Tua singphuk nih te lak ah kua in a gual zo ahi hiam? A nih na pa in agual zo ahi hi. A mah in ni khat nai5 sung aphuk na ah nai lang ta ki hal in a hei tat zel hi. A ma lungsim ngaihsutna aki en kik ahi hi. Tua bangin ahei a tat zel bangin eite zong ih ki et kik zel ding ki sam hi. Ih na sep na ah lunglut tak in khantoh na ding ngaihsun in ih sem hiam? Khangno te aw hih tangthu sunga singphuk khat pa ih et kak ding ki sam hi. A hih kei leh nang tawh a ki sai lo, na lungngulh na te bek angaihsun mi na hi hiam?
Khangno pawl khat te in ama gualzawh nading na septe phawk kha lo-in ama tawh a ki sai khol lo nasep peuh sem in om kha thei hi. A zenzen in nangin lai-at siam khat hi nuam ing ci na pi, la bek na saksak leh lai-at siam nasuak zo kei ding hi. Pawl khat te agualzo mi ut mahmah na pi-in ahun awng in ih mumuleh cik mah hun in gualzawhna ngah ngei lo ding hi. Hih thu te ih et ciangin gualzawhna angah nuam lo mi ki tam mahmah hi. Tua ahih manin khangno te zong agualzo mi ka suak nuam takpi hiam cih ei leh ei ki dot kik zel ding ki sam hi. Gualzawhna na ngah nading midangte simmawh bawl kei-in. Midangte nenniam aa ngah gualzawhna in paaknamtui a kitheh paak , sawt anam tui zawh loh mah bangin kip lo ding hi.
Khangno te aw gual zawh na ih ngah nop leh kipat ngam ding leh hangsan ding ki sam hi. Ih ngimna te sepngam ding ki sam hi. Haksatna ih tuak ciang san siam ding ki sam hi. A gualzote in bangci sep leng hoih ding cih ngaihsutna nei a, agual lel te in ahih leh paulap zong den hi. Khangno te aw, gualzawhna na ngah nop leh nasep na ah lunglut tak in sep ding ki sam hi. Ei’ nasep nasungah ih lungsim takpi tawh sem in, ih hun neih sialin hanciam leng ni khat ciang a gualzo khangno te ih suak ding hi. Na guallelh ding ngak a, hong en cik mi te mai ah gualzawhna lim lak in. Khangno te in ngaihsutna hoih anei te hi uh teh. Mai lam ah midang te alamlak ding te na hih manun, na bil un vak sak in, na mit uh ciim sak in, gualzawh na ah hong puak thei thu te leh nasep te na gah sawm un. Na lunggulh uh hun khat ciangin gualzawhna gah te gah ding na hih manun hanciam un ci-in kong hanthawn nuam hi.

Add new comment

11 + 1 =