“Hun”

“Hun bekin itna thu theih siam hi.”

Khat vei…tuikulh khat ah lungsim veina te om khawm uh hi. Tua sungah lungnopna, khasiatna leh a dang veina tuamtuam te leh it na ki hel hi.

Nikhat ciangin thu khat hong tung hi. Tua thu in tua tuikulh tui in tuum ding cih thu ahi hi. Tua thu a zak uh ciangin a dang veina te in Ngunkuang bawlin ki tuah dingin ki thawi ta uh hi. Ahi zongin itna in tuikulh tui sung a tum dong nusia ngamlo in om hi.

Tua bangin tuikulh damdam in tui sung a tum ciangin itna in huhna nget ding khensat hi. A gal a om a hoih mahmah Ngunkuang tung aa hauhna kiang ah itna in huhna ngen hi. “Hehpihna tawh kei nong tonpih zo dia”

Hauhna in dawng kik hi. “Bang ci hih theih peuh ding ahia, ka suang manpha tampi te tawh nang a ding mun om kei”

Tua ciangin itna in a gei a om hehna kiangah huhna ngen leuleu hi. “Hehna aw, kei hong huh ve”

Hehna in dawng kik hi. “Hong huh zo kei ning, na ci pumin na khawt tawh ka ngunkuang kisia vak”

Tua khit ciangin Khasiatna mu leuleu aa, “Khasiatna aw..nang tawh hong ton khawm ning maw” a cih leh khasiatna in “Itna aw, kei ka khasiatna tam lua in kei kia pai nuam ing”

Tua ban ah lungnopna kiangah pai in huhna anget hangin Lungnopna in a lungnuam lua kisa la sa kawmin om ahih manin itna ii a sap nangawn a za kei hi.

Tua laitak mah in ngunkuang khat hong tung aa, itna a sam hi. “Itna aw…hiah hong pai in, pai khawm ni”

Itna zong a lungdam lua ahih manin tua ngunkuang tungah tuang to pah aa, amah ngunkuang tung ah a sam pen i min a dot ding nangawn mangngilh liang hi.

Ngunpiau a tun ciangin Itna in Ciimna kiangah kei hong tonpih pen kua a hi tam..na thei kha na ci-in dong hi. Tua ciangin Ciimna in amah pen “hun” hi ci-in gen hi.

Itna in… “hi maw…hun in bang hangin kei hong huh ahi tam” a cih leh Ciimna in “bang hang hiam cih leh Hun bekin Itna tungah theihsiamna nei zo bek hi” ci-in dawng kik hi.