Homily by Bishop Felix 17.3.2019

Kalay Diocese hong keem Bishop Felix in Deacon David siampi suahni aa thugen na

     Christu sung ah kong it,khual leh tual pan siampi suah pawi sim a hong pai,thu zui u leh nau,nu leh pa,tu ni- in ah lungdam in ih angtang hi.Bang hang hiam cih leh eimau mi,eimau sung leh lai pan apiang ih sanggam pa Deacon David in ah Siampi suahna za ngah in Topa’n ong teel sak man a hihi.Ei ut thu tawh Siampi suak hi lo in ah Topa teel na angah te bek in a sep theih a hihi.Tua a hih man in Pasian in a kamsangpa Jeremiah kiang ah “na nu gil sung ah tui sik in na om ma in nang kong thei khin zo hi.Na pian ma in nang kong teel khin zo aa,mi nam te tung ah kamsang ding in kong seh khin zo hi”,Topa Pasian in ah kamsang pa Jeremiah a cih mah bang in ah tu ni-in ah Deacon David kiang ah zong ong ci hi cih hoih tak in ah phawk ni.Tua leh hih Siampi,bang hang in ah Siampi ki sam,a thu thuk Topa Jesu ii pumpi a hi- ih nu Catholic pawlpi thuzui te in ah nisim naisim kha nuntakna ngah Topa Jesu si leh sa san nading leh ama nuntakna kam mal te a gen khia ding in ah Topa Jesu in siangtho ni li ni-in ah nungzuipi te Siampi za hong pia hi. Ama pumpi a pawlpi a kem tawntung ding hi.Tua a hih man in Topa Jesu leh pawlpi ki khen thei lo hi.Topa Jesu leh Tonu leh pawlpi ki khen thei lo hi cih, tu ni-in a thak in phawk ni.Tua bang in den a ih cih mah bang in ah Siampi pa pen Pasian leh thuzui te ki kal ah thu zui te ki tangsap na thungetna te Pasian kiang ah ap ding,Pasian thu leh la laigil te a ki sam te thu zui te kiang ah hilh ding palai hong suak hi.Tua a hih man in ah Pasian teel loh te in mawksuak thei lo hi.Tua a hih man in ah hih phungvuh nei te khempeuh in ngaihsun siam in ah Jesu Christu hang in Pasian in a san theih ding,a siangtho Siampi nam na suak un cih na tu ni-in ei te in ah a ki cing sak ih hihi.Tua leh ei te khempeuh in tu ni Siampi suahna pawi ah bang ngaihsutna nei ding,Pasian in Aaron a sap bang in a sap mi te bek Siampilian sem thei cih ei te in Hebrew laisiangtho sung ah ih sim khia zo hi.Tua a hih man in siampi khat a piangkhiat na baangkua sung ah a ma sa pen vai puak in ah a ta te lak pan Pasian in a ma nasem ding Siampi khat a teel na hang in a ma tung ah lungdam a ko ding uh a hihi ci-in ah misiangtho John Bosco in ah bang hong ci lai hiam cih leh “inn kuan sung ah Pasian piak theih a lian pen thupha in a ta te lak uh pan in khat pen a ma nasem Siampi ding in a teel na a hi hi” ci ngetngut hi.Tua bang in ih baangkua sung ah vuangyi,siavuan siama a suak te hoih mah hi,a hih hang in ah Siampi suahna a lian pen hi ci-in ah misiangtho John Bosco in ah ei te tha hong pia hi.Tua man in ah hih Siampi te nuntak zia ding zong ih ki kum lai ding hi.Siampi te,thungetna tawh Pasian tawh a ki zom den mi,a tawntung in Pasian kammal lungdam na thu tangko na nasep na a lawp den mi,a ki niamkhiat a thumang ,sum leh paai leh duh hap huaiham na lungsim a nei lo mi hong hih theih nang in ah tu ni-in ah ei te khempeuh in ah siampi a suak ding David ading in thungetsak ni.Bang hang hiam cih leh Ordination cih Siampi suah na za ih piak khit ciang in ah ze-et na a khauh zaw in ah ong pai ding hi cih ei lam pan theih sak in a ma lam pan zong a ki ging na ding tua in ei te ih tavuan hi.Tua a hih man in Siampi te in amau khut pan a ki piakhia Pasian thu thuk te taangko ding,Topa Jesu min tawh Topa Jesu din mun ah na sem te a hih na uh Sacramentu piak na tawh Topa Jesu gupkhiat na a zom to,a ki ci teel na sem te a hi hi.Tua a hih man in ah siampi te in ah thuzui te kha an vak na,dam sak na,na a sep na te uh ah amau mahmah kha an a ki vak ma sak na ding,amau mahmah hong ci dam masak na ding in ah thuzui te in ah thunget sak ni.Sacramentu te piak na tawh Pasian thupha a hawm khia te a hih mah bang un Topa Jesu tawh a ki zom den in ah ama tung bek ah a ki ngak zawh nading ,tua ah thuzui ten thunget sak ni.Siampi te leh tuu cing a hih na uh tawh siampi uk sung ah vai hawm na bek tawh hi lo,a mi gi tuu cing pa bang in ah a tuu te ading a ma nuntakna a pia ngam te a hih nading in zong thunget sak pha ni.Bang hang hiam cih leh siampi te i nuntak na in Siangtho Pumpi sung ah a om Topa Jesu bulphuh in nuntakna a hih man in ni khat sung asepna sa nasep na te khempeuh pen Siangtho Pumpi mai ah ngaihsun kik ding,nuntakna ki sit tel ding tu ni-in ah ki sam mahmah hi cih thuzui te hi ta leh Siampi te  hi ta leh hoih tak in ah phawk ni.Bang hang hiam cih leh tu hun khua hun luan zia leh mi nuntak na khua sat zia te ih et ciang in ah,ih ngaihsut ciang in ah a ki zang thei lo hon pi khat om hi.Mangkang te ,Ofaus;rI pen style ih sa kha zenzen hi.Italy pan,Spain pan in ah hong ciahlian ka hih man in ah a mau pi teek pu teek te kep zia pen lung len khua ngaih huai lai hi.Nu teek,Pa teek te Pi teek Pu teek koih na mun ah ki koih ziau,lawh sia ciang sia bang in ah ki hem khia ziau cih khua hun te ei kiangah zong hong tung kuan kha ding hi.Tua te tu ni-in ah ei thuzui thu um te leh ama na a sem te in ah hoih tak in ah khua dak in ah ih nuntakna sung ah ciapteh siam ni.Ei te in tu in ah hih Siampi te na sep vai teng ah ih et kik ciang in ah nasep han ciam na ki sam mahmah hi.Tua na sep han ciam na ma in ah thunget han ciam na,na ih sep sak pa Pasian tawh ki gawm den na,ki pum khat na thu pi mahmah hi.Topa Jesu in zong zingsang tho in mualtung ah kah to in a pa tawh ki ho den,tua man in Siampi te in zong zingsang tung ih thawh tung in ah Pasian thu lungngai in thungen in Missa a[m cih pen Pasian tawh ki ho na,ki muh na,biak piak na hi.Hi te ih manggilh ni-in ah misiangtho John Paul 2 na in bang hong ci hiam cih leh “Topa nasep na ah a lungsim,a pumpi tawh nasep han ciam luat man in a nasep sak Pasian a manggilh te in a ma nasep na a gah a vuih om lo ding hi”hong ci ngiap hi.Tua a hih man in ei Siampi te nuntak na ah Moses nuntak na ih et kik kul hi.Na khempeuh a sep ma in ah biak buuk sung ah Pasian tau mai ah lut masa,Pasian tawh ki ho masa hi.A din khiat ding uh,a tut ding uh hi teng khempeuh Moses in ah Pasian mai ah na sin khol khin hi.Tua a hih man in hih thuzui te in zong ko siampi te in ah Pasian deih na bang in a nungta siampi te ka hih zawh nang un ah thu hong nget sak un.Ni dang lai in ih khamgam nop ci mahmah ka sa ngei hi.Bang hang hiam cih leh Christian a hi ten zong Christian picing nuntakna tawh ki nungta hi.Lawki te in zong ngeina lui nuntakna mah tawh picing tak in nungta.Gen teh na bang in ah khuado hun khawng ciang in ah ih tul pi te in ah gan biak na ki nei hi.Tua man in ah khuapih tuipih te khualzin gamvak om kei un,ong ciah kik un,tua ni-in ah ganbiak na ki nei ding hi ki ci ngetngut in ah ih tulpi te,ih Siampi te i thu ong nget gan ap na,biak ap na te ong neih the kumpi ong hoih hi,meei ong kaai hi,guah ong zu hi,khaici te ki vawh thei,tua ban ah khuado ih cih lungdam na koh na te a ki nei ngiatngiat hi.Ih lei tang te lo thoih na cih a ki nei hi mawk hi.Lo a ki khawh ma in ah ai ki saan phot hi.Hi lo gam ah lo kho leeng an le tui piang ding maw ci-in ah ai a ki saan hi.Mangpha ei,ai saan pha ei cih ciang lo a ki kho pan hi.Ih pu ih pa te nuntakna hi.Tua mah bang in ah ei Christian te in zong thungetna tawh ih kum lui nuntakna te ap in ah kum thak nuntak na a picing zaw in kha ci dam na,pumpi  ci dam na,sum leh paai tha lawh na,gah leh vui te ah picin na,ih khua ih tui ah naupang ong tam na ding zong,pil na ciim na cih te khempeuh a ki ngen hi,nop ci mahmah ngei hi.Tua man in khua sung khat ah a thu pi pen in ah hausa hoih,siampi hoih,sik sek hoih ih cih den na tua hi.Tua sung ah tua bang khua om te ki eng mahmah hi.Siampi hih na bang ah baangtung thoih na,huih dawi gam dawi thoih na,gan pi thoih na leh a tawp na ah bum leh na nangawn om hi.Bum leh thei siampi hoih,dawi zo gel te a nei khua te pen a ki zah taak mahmah hi.Cih nop na ah siampi tawh nuntakna hi.Tua ahih man thuzui te, Siampi te pen pawlpi ading in ah Pasian ong piak letsong a hih na leh siangtho na tawh Pasian na sem te a hih na hang un thuzui kha a kem a vaak siampi te in Pasian mi hi ci-in ah ih mu hi.Siampi te pen thu zui te ii thu dot pi,a ci tak Pasian na sem,ham sat hun in ih belh ih suan,lung kham hun in ah tha pia ding,ong hehnem ding in ah ih cial ih lam et pa hi.Tua man in ah siampi na sep leh Siampi te nuntak zia in it na leh siangtho na tawh nuntakna a hih man in Siampi te nuntak zia leh Siampi te na sep te tawh a ki tuak ding in ah thu zui te in nong panpih,nong huh ding un ah kei mahmah Siampilian pa in ah hong cial kik ka hihi.Tu lai ih nuntak zia en ni.Kei pen ka pa pen in ah Pasian ong piak letsong pen ta tampi neih na hi cih a bulphuh khat hi bilbel hi.Tua man in ei Kalay omoem ah tun phungyi pen Deacon Lian ong hi leh gam dang phungyi te tawh (50)val (60) a nei ding hing Siampi.Kei zong ka lungsim ah ta hau nuam, phungyi ta hau ding,Sister tanu hau ding mataw.Phungyi sin na sang ah Bro te,Sister te zong a hih leh hau mahmah ding,tua pen kei ma i lunggulh pi pen hi,ih lung nuam hi.Tua mah bang in ah no Nu leh Pa ten zong tanu tapa hauh ding ong han ciam un la,tanu tapa te lak pan in ah Pasian na sem ding numei lak pan khat,pasal lak pan khat cin ah a suah tung a ki pan nu te in na sung vuah tui sik a na paai uh a ki pan na ap ngiatngiat ding uh hi ci-in ah kong hanthawn hi.Tu in ah ih zo gam ah mi ci tawm hi.Kum sim in ah vlOD;a& ki en leh 3odef;ausmf hi den keei hi.Ih pulpit sung te ah nauseen kah ki za nawn lo hi.Nu pi la te bang kong gen mah bang in ah rif;orD; te bang ong suak dek tak ta hi matawh,hi thei lo hi.A tua te gual in mah nau mah hong paai hen la anung ama mah nau ong luai leh mataw et lawm mahmah hi,ken bel ong hanthawn ngiat hing.Kum sim in ah Rome ih puak na ah nauseen tuisawp na cih pen ki niam suk,khua khal tui kiam suk keei hi.Ei tun ih Cathedal St.Mary khawng,Tahan khawng ah ki khawm leng naupaai mel om nawn lo,nungak siangtho,tangval siangtho suak cih khat lah hi lo mataw,ih nasep ciat ah tavuan ih zawh mahmah ding ong cial hing,tua tavuan ong zo mahmah un cin ong cial nuam ka hihi.Tua man in ah a nopci ten na inn kuan ih cih pen Nu leh Pa,tanu tapa,tu leh ta te,pi leh pu te om ding,nu leh pa te om ding,a ta te om ding,a inn kuan ding nih leh thum om lai ding mataw,tua in ah inn kuan sung ah mi sawmnih sawmthum bang om zo lel ai ve,tua in Pasian thu hi cih tua ih phawkphat ding in ah ong cial nuam ing.Tun ei ih kham gam ah Phungyi,Sister hong ki deih hi.Siadawpa aw Phungyi hong pia in,Siadawpa aw Sister hong pia in ci pum peet,bang cih ding,hih Phungyi suahna set lah a ki nei hi lo mataw,mi bawlna set lah nei lo,ih khuk tung ah mataw antaang in ah Siangtho Pumpi mai ah Topa aw nangma na sem sil bawl ding ong pia in,tun no mah nget ding uh hi,Siadawpa nget ma sak ding hi lo hi mataw.Pasian tung ah nanget ma sak ding uh mataw.A om leh hawm siam na in ah Siadawpa aa bek hi.Tua man in ah no tun ah Topa te Sister te huh dan kep dan zong ong siam un.Ih khua ih tui ah Topa te hong tun nak leh na sa sin na sa lung uh na puak un mataw.Sawm ah khat a hi zong in a siam sa te zong Sister te Topa te ha pia un,a masa te lungdam sak un,a inn a lo ding zong nop ci tak in ah om sak ding ih tavuan pi hi.Tua a hih man in ah hih Topa te pen misiangtho Paulu in ah “lei beel sunga suangmanpha ki koih” cih hi mawk hi.Siampi na sem cih te in ah dawimangpa tawh gal ki do na hi tawntung hi,tua nong phawk sak ding un ah kong hanthawn nuam hi.Tua man in tu ni-in ei te khempeuh in ah ih hun pai zia tawh ki zui in Siampi te in ah Pasian sawl nasep te, sawt na a sem ding te a hih man un ah Pasian sawl na pen kam bek tawh a gen khia te hi lo,ki niamkhiat na tawh Pasian i na a sem khia taktak te a hih nading un ah ki sam a,thu nong nget sak ding un ah kong cial hi.Siampi te lungtang in ah Topa Jesu siangtho lungtang it na lim a hih man in ah it na mittang te ong neih nading,a lungsim sung ah it na meikuang a mit ngei loh nading,Pasian in lei tung mi te hong it na lim lak te a hih nading un ah ki sam a hih man in ah thu hong nget sak un.Topa Jesu gupkhiat na nasem Siampi te tungtawn in Pasian in leitung mi te leh Christian thuzui te hong it na hong lak khia hi cih hoih tak in ah phawk ni.Tua a hih man in ah Siampi ten a siangtho nuntakna tawh ong nuntak theih nading un ah tu lai tak ih thuzui te,ih khamtung mi te,zo mi te kong vaikhak nop in ah nambat (1) na ah vlrIa&; tam lua hi.Siampi te pen no a neng atawng lungdam thuh nading khawng ah hong sam zanzan nawn kei un.Inn leh lo ah ong hawh teh zu leh sa na pia kei lel un.Telephone a hoih pen te zong lei sak tuan kei lel un.Ih Telephone leh vlrIa&; in ah ih Pasian nasep na susia ngeingea hi,tua kong vaikhak nuam hi.Tua man in thuzui ten tun ih baangkua sung ah naupang te Phone,naupang te a susia pen zu leh sa leh Telephone hi dikdek hi.An ne kawm a Telephone zutzut,bang cih thong ding,ih khuak te ih mit te,ih thagui ten ong khom peuhmah lo ding hi, ajumif mang ta hi.Nu leh pa ten hih Telephone pen naucin na in nei kei un,letsong hoih pen in zong pia kei un.BA,IA a ong hang un ah nasep a ki pat kei leh hi te ki sam nai lo hi.Nungak,tangval sang kah te in zong ong ho pih ding te ki sam nai lo,tua ten ong ho pih leh ki sam lo.Ko Topa te zong Sister te zong tua bang mah.Telephone,Facebook,Internet in ah Pasian nasem te hong bum lum ngeiingaii hi.(2) na ah vlrIa&; nek leh dawn na,ih om zia te thaangtat na te in ah Pasian nasem te in ah hih Topa Jesu lim leh mel sut na,gamtat na te khempeuh hong guk sak mang hi.A tungdaang nuntak na bek om hi.A lai gil leh a tumpi hui tum suk zo nawn lo hi.Pasian gam a tangzai nading in ah nasiatak in ah tha nem hi hang cih hong vaikhak nuam ka hihi.Tua man in ah hih Pasian nasep na ah tun ah hih naupang te,ih tanu ih tapa te,tu lai tak kei Siadawpa,Siampi te,Deacon David te a sam Topa in no te zong hong sam lai hi.Ka nung hong zui-in,singlamteh pua in ka nung hong zui -in,khangno te hong sam lai hi.Tua man in tua aww hong za un la,hong dawng un la,hong ki thawi un.Mi te tung ah a mitngei lo Pasian meikuang sak den ni.Siampi te nuntakna ah kha lam hauhna te a hi Pasian letsong thupha leh thu thuk te neih nading in ah han ciam ni.San na sang in ah piak khiat na thupi zaw hi cih te phawk in ah ei Catholic te ih nuntakna ah hih a sang pen piak khiat na in seh sawm suah seh khat bek hi lo in ah baangkua sung pan tanu tapa te Pasian nasep piak khiat na in a sang pen hi cih zong phawk ni.Tua man in ah tu ni,ih Tonu Maria,ih Topa Jesu i nu,Siampi te i nu,Misiangtho te i nu kiang ah thungen in a tapa deih na bang in ah a zui tawntung a sem tawntung a hih nading in ah Tonu kiang ah Fr.David ading in ah thungetsak ni.Kong it u leh nau,nu leh pa te,Siampi te in ah Moses bang in ah thu zui te Canaan gam a hi vantung gam ah a manawh in ah a makaih te ahi uh hi.Ze-et na,hak sat na,gen siat na peel mawh in ah a thuak ding uh theih sa muh sa hi.Tua a hih man in ih sanggam pa David ading in ze-et na,gentheih hak sat na te a thuak zawh nang,lung kia lo in a tawp dong a puak zawh nang,thu zui ten vantung gam dong in hong ma kaih zawh nading in ah tawntung in ah a ma ading in ah thunget sak ni.Thuzui u leh nau,nu leh pa te a kua mah ciat in thungetna tawh a hi zong in ah tha leh ngal tawh a hi zong in ah , sum leh paai tawh a hi zong in ah a ma i na sep sil bawl nading,a omoemjyk nading in ah panpih ciat ni.Siampi suah pawi sim ahong pai thuzui u leh nau,nu leh pa te khempeuh tungah Topa’n na lunggulh, na ki sap uh thupha te ong pia ta hen.Siampi thupha tawh inn leh lo lum tek ciah in Christian picing nuntak na tawh ih minam sung ah a picing nuntak na te ih neih zawh nading in ah hanciam ciat ni.

Record and Edit: Mr. Anthony Piang