Gimna Neu sung aa om Kha khempeuhte aading thungetsakna ni

Kum sim November kha ninih ni-in han ah ki pai in misisa te aa ding thu kingetsak in Missa Biakpiakna ki bawl sak den hi. Hih pen Catholic pawlpi te in ngeina khat aa a zat hi-in pawl dang tuam tuam te in zong tu hun lam ciang thupi sa uh a hih manun a maute in zong a it a ngaih uh a sisa te phawkna, thu pha bawlna te RC te upna bang lian in a neih zawh nai loh uh hangin Phawlna cih tawmkhat hong nei thei ta uh a hih manun lungdam huai mah mah ta hi. Tu kum pen Kawlpi han, Christian han ah Catholic Pawlpi te bek hi nawn lo in Pawldang te zong tampi a hong pai om bek tham lo in Christian te khempeuh ii han pen ki puah sing ta a hih manin lungdam huai mah mah hi. Kum Sim in RC pawlpi pan hi ta leh Pawl dang pan hi ta leh Han ah pai-in thungetna a bawl mi tam sem sem hong ki bel lap sem sem uh a hih manin lungdam huai hi. Hi te en leng Pasian thu lam bek hi lo in ei Zomi te sungah leitung thu in zong ki-it na khang sem sem hi cih ki mu thei hi. Tua a hih manin a bei thei lo itna, vantung gam a hong tunpih ding itna pen a sisate leh a nungta lai te tungah a kisam bang bangin ih lah ciat zawh nang hanciam ni. Ih Biak Topa Pasian in a bei thei lo itna a lak kim zong dingin eite khat ciat tungah thupha hongpia ta hen! Amen.